Oblys basshysynyń baspasóz qyzmeti jýrnalıserge buny "ákimniń kásibı merekege arnalǵan syılyǵy" dep túsindirgen. Jýrnalıserdiń kásibı merekesi bir aı buryn ótip ketken edi. Ándijan oblysynyń basshysy buǵan deıin de fýtbolshylarǵa, maqta terýshilerge, aqyndar men bıshilerge aqsha men qymbat kólikter taratqan.
– Mundaı brıfıńterge bara bermeımiz. Sol sebepti bizge brıfıńke qatysyp, ákimgiń syılyǵyn alyńdar dep aldyn ala habarlady. Baspasóz qyzmetiniń ókilderi jýrnalıserge aqsha taratty. Brıfıńke jıyrmadan astam jýrnalıs keldi. Biz aqshany ákimniń syılyǵy dep aldyq, – deıdi ándijandyq jýrnalıs Akmal Mýıdınov.
Degenmen jýrnalıserdiń keıbiri buny múddeler qaıshylyǵy dep qabyldap, aqshany alýdan bas tartqan.
Áleýmettik jeli qoldanýshylary sheneýnik qymbat syılyqqa aqshany qaıdan alǵanyn bilgisi keledi. Mundaı suraqtarǵa hokım Abdýrahmanov: "syılyqty kim kóringenge emes, óz halqyma tarttym", - dep jaýap beretin. Degenmen bundaı syılyqtardyń kózin Ándijan basshysy eshqashan aıtqan emes.
