وبلىس باسشىسىنىڭ باسپا ءسوز قىزمەتى جۋرناليستەرگە بۇنى "اكىمنىڭ كاسىبي مەرەكەگە ارنالعان سىيلىعى" دەپ تۇسىندىرگەن. جۋرناليستەردىڭ كاسىبي مەرەكەسى ءبىر اي بۇرىن ءوتىپ كەتكەن ەدى. ءاندىجان وبلىسىنىڭ باسشىسى بۇعان دەيىن دە فۋتبولشىلارعا، ماقتا تەرۋشىلەرگە، اقىندار مەن بيشىلەرگە اقشا مەن قىمبات كولىكتەر تاراتقان.
– مۇنداي بريفينگتەرگە بارا بەرمەيمىز. سول سەبەپتى بىزگە بريفينگكە قاتىسىپ، اكىمگىڭ سىيلىعىن الىڭدار دەپ الدىن الا حابارلادى. باسپا ءسوز قىزمەتىنىڭ وكىلدەرى جۋرناليستەرگە اقشا تاراتتى. بريفينگكە جيىرمادان استام جۋرناليست كەلدى. ءبىز اقشانى اكىمنىڭ سىيلىعى دەپ الدىق، – دەيدى ءاندىجاندىق جۋرناليست اكمال مۋيدينوۆ.
دەگەنمەن جۋرناليستەردىڭ كەيبىرى بۇنى مۇددەلەر قايشىلىعى دەپ قابىلداپ، اقشانى الۋدان باس تارتقان.
الەۋمەتتىك جەلى قولدانۋشىلارى شەنەۋنىك قىمبات سىيلىققا اقشانى قايدان العانىن بىلگىسى كەلەدى. مۇنداي سۇراقتارعا حوكيم ابدۋراحمانوۆ: "سىيلىقتى كىم كورىنگەنگە ەمەس، ءوز حالقىما تارتتىم"، - دەپ جاۋاپ بەرەتىن. دەگەنمەن بۇنداي سىيلىقتاردىڭ كوزىن ءاندىجان باسشىسى ەشقاشان ايتقان ەمەس.
