Jýyrda Aqtóbede bes bala Prezident pen qazaqstandyqtardan kómek surap, videoúndeý jariialaǵan edi. Balalardyń aitýynsha, anasy bir kúnniń ishinde májbúrli túrde psihiatriialyq aýrýhanaǵa jatqyzylyp, al ózderi ortalyqqa jiberilgen. Aqtóbe oblysynyń ákimi Ashat Shaharov balalardyń qaýipsizdigin qamtamasyz etý máselesine erekshe nazar aýdaryp, barlyq deńgeide keshendi shara qabyldaýdy mindettedi, dep habarlaidy Dalanews.kz.
Apparat májilisinde Ashat Shaharov ótken aptada kámeletke tolmaǵandarǵa qatysty bolǵan oqiǵalardy atap ótip, bul jaǵdailardy tereń zerdelep, jan-jaqty taldaý júrgizý qajet ekenin aitqan.
Aimaq basshysy quzyrly organdarǵa obektivti tergeý júrgizýdi jáne kámeletke tolmaǵandardyń quqyqtarynyń buzylýyna ádil quqyqtyq baǵa berýdi tapsyrǵan. Sonymen qatar, balalardyń qaýipsizdigin qamtamasyz etý baǵytyndaǵy aldyn alý sharalaryn kúsheitip, tiisti mekemelerdiń jaýapkershiligin arttyrýdy talap etken.
Sondai-aq, oblys ákiminiń tapsyrmasyna sáikes Aqtóbe qalasynyń ákimdigi otbasyny baspanamen qamtamasyz etý máselesin sheshýge tiis.
