Qurmetti forýmǵa qatysýshylar! Sizderdi Halyqaralyq otbasy kúnimen shyn júrekten quttyqtaimyn!
Baqytty ári berik shańyraq – berekeli qoǵamnyń jáne memlekettiń myzǵymas tiregi. Otanshyldyq pen jaýapkershilik, parasattylyq pen izettilik, eńbekqorlyq pen jasampazdyq siiaqty asyl qasietter eń jaqyn jandardyń úlgi-ónegesi men yqpalynyń arqasynda qalyptasady. Izgilik idealdary men qaǵidalaryna negizdelgen tulǵa dúnietanymy ata-ana tárbiesinen bastaý alady.
Halqymyz qashanda shyqqan tegińdi bilýge jáne otbasy qundylyqtaryn ulyqtaýǵa airyqsha mán bergen. Búginde bul qasietter ulttyń jańa sapasyn qalyptastyrý isinde mańyzdy ról atqarady.
Otbasy institýtyn nyǵaitý jáne óskeleń urpaqtyń jan-jaqty damýyna jaǵdai jasaý – memleket pen qoǵamnyń mindeti. Ana men balany qorǵaý – bizdiń saiasatymyzdyń basym baǵyttarynyń biri.
Otbasy qundylyqtaryn saqtaýǵa jáne dáripteýge ata-analar qaýymy da zor úles qosyp keledi. Sizder árbir perzenttiń taǵdyryna alańdap, Otanymyzdyń bolashaǵyn oilap, shynaiy janashyrlyq tanytyp júrsizder.
Sizderge jáne barsha otandasymyzǵa amandyq, baq-bereke tileimin!
Jasampazdyqqa toly igi isterińiz tabysty bolsyn!
