Mınıstr bunyń jyl saıyn qajylyq paryzyn óteıtin Qazaqstan azamattarynyń dinı jat aǵymdardy boılaryna sińirip almaýy úshin aldyn ala jasalatyn shara ekenin aıtty.
Sonymen qatar Arystan Muhamedıuly Qazaqstan zańnamasyna «dinı fanatızm» jáne «dinı radıkalızm» termınderin engizý jáne olarǵa tyıym salý týraly jumysshy top qurylǵanyn málimdedi. Sonyń negizinde Mádenıet jáne sport mınıstrligi QMDB-na «dinı rásimderdi birtekti ótý» týraly usynys jasaıtynyn aıtty.
«Dinı birlestikterge, birinshi kezekte, Qazaqstan musylmandary dinı basqarmasyna barlyǵyna ortaq dinı rásimder ótkizý tártibin bekitý týraly usynys jasaǵan durys. Dindar azamattar tarapynan musylmandardyń arasyndaǵy qarama-qaıshylyqtardy joıý úshin dinı rásimder ótkizý tártibin birtekti qylý týraly ótinishter aıtylyp júr», - dedi mınıstr.
