21 maýsymda Astana qalasynyń azamattyq ister jónindegi aýdanaralyq soty daý-damaidan keiin qyzmetinen shettetilgen Ǵalymjan Jýsanbaevtyń Atyraý munai óńdeý zaýytynyń bas direktor laýazymyn qalpyna keltirý týraly úkim shyǵardy, dep habarlaidy Dalanews.kz.
Sottyń málimetinshe, Jýsanbaev kezekten tys jalpy jinalys hattamasyn, eńbek shartyn buzý týraly buiryqty jaramsyz dep taný, bas direktor laýazymyn qalpyna keltirý, májbúrli jumystan shyqqan ýaqyty úshin jalaqyny óndirip alý jáne moraldyq ziiandy óteý týraly "AMÓZ" JShS ústinen aryzdanǵan.
"Talap qoiý eńbek shartynyń synaq merziminde jáne qyzmetkerdiń ýaqytsha eńbekke jaramsyzdyq kezinde buzylýymen negizdeldi. Sotpen eńbek shartynyń talaptary boiynsha talapkerge 6 ai synaq merzimi belgilengeni, alaida shart bir ai ótkennen keiin buzylǵany anyqtaldy. Osy quqyqtyq qatynastarǵa eńbek zańnamasy qoldanylady. Eńbek kodeksiniń 36-babyna sáikes, eńbek shartyn jasasqan kezde eńbek shartynda jumyskerdiń tapsyrylatyn jumysqa biliktiliginiń sáikestigin tekserý maqsatynda synaq merzimi týraly talap belgilenýi múmkin", delingen sot habarlamasynda.
Sondai-aq atalǵan Kodekstiń 37-babyna sáikes, jumyskerdiń synaq merzimi kezeńindegi jumysy teris nátije bergen kezde, jumys berýshi oǵan eńbek shartyn buzýǵa negiz bolǵan sebepter kórsetilgen habarlama berip, onymen eńbek shartyn buzýǵa quqyly ekeni de naqtylanady.
"Bul jaǵdaida qyzmetker synaq merziminde jumystyń teris nátijesi bolmasada eshqandai sebepsiz jumystan bosatyldy. Sot sheshimimen talap qanaǵattandyryldy. Sot jaýapkermen qyzmetkerdiń synaq merzimindegi biliktiligine sáikes emestigi dáleldenbegendikten talapkerdiń quqyqtary buzylǵan dep tanydy.Eńbek sharty jumystan shyǵarý rásimin buza otyryp kúshin joiǵan. Eńbek shartyn buzý týraly buiryqty jaramsyz dep taný, J.-nyń bas direktor laýazymyn qalpyna keltirý týraly sheshim shyǵarylyp, májbúrli jumysqa kelmegeni úshin jalaqysy jáne 100 000 teńge mólsherinde moraldyq ziiandy óteý óndirildi".
