Bul týraly ol Youtube-tegi LifeSport KZ arnasyna bergen suhbatynda aıtty.
Eger Amanquldyń jaraqaty bolsa, onda onyń ornyna Tursynbaı Qulahmet barýy kerek edi. Lısenzıa alýǵa arnalǵan irikteý jarystaryna da Qulahmetti aparý qajet edi. Odan birdeme shyǵar edi, ol jaralanbaǵan bolatyn.
Nelikten jaraqat alǵan adamdy Olımpıadaǵa aparǵan? Tek qydyryp qaıtý úshin be? Biz bildik qoı, onyń jaraqaty aýyr ekenin, ólse de júlde ala almaıtynyn, - deıdi Sársekbaev.
Onyń pikirinshe, búginderi elimizde bul salmaqta, shyn máninde, medal ala alatyn boksshylar bar.
Demek, biz óz prınsıpterimizdi memlekettik prınsıpterden joǵary qoıatyn bolyp turmyz? Al, ondaıda ne aıtarymdy da bilmeımin, - dep sózin túıindedi sportshy.
...
Aıta ketelik 75 kelide salmaqta óner kórsetetin Ábilhan Amanqul shırek fınalda brazılıalyq Ebert Konseısan Soýzamen kezdesken bolatyn. Tartysty básekede brazılıalyq boksshy 3:2 esebimen basym túsip, jartylaı fınalǵa ótken.
Artynan Amanquldyń jeke bapkeri Nurlan Aqúrpekov suhbat berip, jankúıerlerden keshirim suraǵan.
"Ábilhannyń burynnan ıyǵynda jaraqaty baryn bilesizder. Birneshe ret ota jasattyq. Sońǵy otadan keıin bir jarym jyl boıy úzilis alý kerek edi. Biraq biz Olımpıada ýaqyty jaqyndap qalǵan soń, aıtarlyqtaı kútim jasamadyq.
Sol jaraqat Tokıo tórinde taǵy da syr berdi. Odan qalsa, ózbekstandyq boksshymen ótken jekpe-jekten soń oń judyryǵyn jaraqttap aldy. Qoly da aýyryp tur. Iyǵy men qolyndaǵy jaraqaty onyń keńinen kósilýine múmkindik bermedi.
Jeńilistiń sebebi osy dep oılaımyn. Ol kásibı boksqa barsa da, aldynan osy jaraqat shyǵady. Sondyqtan, tolyq emdelýi kerek", – degen bolatyn bapker.
https://youtu.be/aOn60cYYgIw
