Amandyq Batalov: «Terakti kezinde qaza bolǵan azamattardyń otbasyna járdemdesý – bizdiń mindetimiz»
Oblys ákimi kúni keshe Almatydaǵy oqiǵada qoǵam qaýipsizdigi úshin qyzmettik boryshyn óteý jolynda azamattarymyzdyń qurban bolýy bir otbasynyń ǵana emes, kúlli eldiń qabyrǵasyn qaiystyrǵanyn jetkize kele, otbasyna basý aitty.
– Bul aqtalmaityn qylmys. Azamattardan aiyrylý – barshamyz úshin de ortaq qaiǵy. Olardy búgingi kúnniń batyry deimiz. Osyndai ul tárbielegenderińiz úshin aldaryńyzda basymyzdy iemiz. Dál qazir sizderge qoldaý kórsetip, jan-jaqty járdemdesý – bizdiń mindetimiz, – deidi oblys ákimi.
Amandyq Batalov Timýr Begasylovtyń otbasyna Qarasai aýdanyndaǵy «Asyl Arman» turǵyn úi kesheninen eki bólmeli jańa páterdiń kiltin tapsyrdy.
