"Qazaqstanda sailaý kampaniiasy bastalyp ketti. Elimizdegi saiasi uiymdar jappai sezd ótkizip, aldaǵy naýqanda tartysqa túsetin úmitkerin aiqyndaityn bolady", – deidi ol.
Solardyń ishinde "Amanat" partiiasy elden buryn qimyldady. Kópshilik kútkendei partiia qazirgi prezidentti úmitker retinde usyndy.
"Amanattyqtar" Toqaevty qoldaitynyn eshqashan jasyrǵan emes. Partiia jetekshisi Erlan Qoshanovtyń atap ótkenindei "Amanat-tyń" aldynda jurtshylyqty prezidenttiń tóńireginde toptastyrý mindeti tur.
"Elimizdegi eń iri saiasi partiianyń 800 myń múshesi Toqaevqa senim artyp otyr. Mundai deńgeidegi demeý qazirgi prezidenttiń taqiiasyna tarlyq etpeitini túsinikti.
Qoshanov partiia otyrysynda Toqaevty qoldaý maqsatynda - halyq koalitsiiasy qurylatynyn habarlady. Demek, ilgeridegi aýditoriiaǵa taǵy da myńdaǵan daýys qosylady degen sóz.
Oppozitsiia aýqymdy elektoraldy resýrsy bar saiasi uiymǵa qarsylyq kórsete ala ma, qalai oilaisyzdar?", – deidi osy oraida Andrei Zýbov.
Sarapshy "amanattyqtardyń" XXIV sezindegi birneshe mańyzdy teziske nazar aýdarǵan.
Onyń aitýynsha partiia saiasi júiede óziniń rólin aiqyndap, Jańa Qazaqstannyń jaǵdaiyna beiimdeletin bolady. Bul bir.
Ekinshisi: Transformatsiia protsesin nátijeli aiaqtaýǵa baryn salady. Bul mindetti partiia qatarynan shyǵar aldynda prezident Toqaev belgilep ketken.
Úshinshisi: Aldaǵy ýaqytta Amanat óz jumysyndaǵy negizgi basymdyqtardy iriktep alyp (halyq jáne memleket), sonyń negizinde áreket etpek.
Zýbovtyń aitýynsha Toqaev prezidentke qoldaý kórsetetin koalitsiianyń qurylarynan habardar bolǵan. Kúni keshe Memleket basshysy sailaýǵa "qoǵamdyq saiasi kúshterdiń koalitsiiasy atynan túserin" málimdegen edi.
[perfectpullquote align="full" bordertop="false" cite="" link="" color="" class="" size=""]
Prezidenttiń paiymdaǵanyndai bul birinshi basshynyń túrli saiasi partiialar men qurylymdardan aýlaq bolýyn qamtamasyz etedi.
[/perfectpullquote]
"Qazaqstan – prezidentke eshbir saiasi uiymǵa múshe bolýǵa ruqsat etilmeitin sanaýly memleketterdiń biri. Bul tájiribeniń qanshalyqty nátijeli bolaryn ýaqyt kórsetedi", – deidi Zýbov.
Aitpaqshy, Amanat-tan keiin ile-shala "Halyq partiiasy" da elge ún qatyp, Toqaevtyń kandidatýrasyn qoldaitynyn málimdedi.
