Partiialyqtar anyqtaǵandai, atalǵan aýyldarda «Kólsai Stroi» JShS-y uzyndyǵy 42,3 km bolatyn sý qubyryn salýy kerek edi. Alaida, qubyr paidalanýǵa qabyldanbady. Sebebi ony salý kezinde qurylys talaptary buzylǵan.
«Sý keledi dep úmittengen kóptegen turǵyn óz ýchaskesine qubyr júrgizip, qajetti qural-jabdyqtar satyp alǵan, tipti sol kerek-jaraq zattardy alý úshin qaryzǵa da batty. Alaida, qazirgi ýaqytta naqty merdigerdiń bolmaýyna jáne kóptegen kemshilikterdiń oryn alýyna bailanysty sý qubyryn paidalanýǵa berý múmkin emes. Sheńbertaldaǵy sý sorǵy stansasy – osy aýylda alǵash ret salynǵan nysan. Jumysyna júrdim-bardym qaraityn sheneýnikter turǵyzǵan sý munarasy búginde sybailas jemqorlyqtyń simvolyna ainaldy», – dedi partiialyq baqylaý inspektory Aijan Ysqaqova.
Buǵan jaýap retinde Ekologiia ministrligi Sý resýrstary komitetiniń tóraǵasy Nurlan Aldamjarov «Kólsai Stroiǵa» qatysty sotqa talap aryz joldanǵanyn habarlady.
«Aita ketý kerek, 2022 jyly sý qubyry synaq rejiminde qosyldy. 1 sáýirden bastap elektr energiiasynyń bereshegine bailanysty sý berýdi toqtatty. «Kólsai Stroi» eki aidyń ishinde barlyq kemshilik joiylady dep sendirip otyr.
Qyrkúiek aiyna deiin tolyq paidalanýǵa berip, oblystyq kommýnaldyq menshikke ótkizemiz. Bizdiń komitet búkil respýblika boiynsha osyndai nysandardyń tapsyrys berýshi bolyp tabylady, sondyqtan da barlyq jerdegi qurylys jumystaryn qadaǵalap úlgermeimiz. Bizde osy jumyspen ainalysatyn tek 4 maman bar», - dedi ol.
Májilis depýtaty Nurjan Áshimbetov tapsyrys berýshiniń atqaratyn qyzmeti Sý resýrstary komitetine tán emes ekenin alǵa tartty. Óitkeni olar Astanada otyryp qurylys sapasyn baqylai almaidy. Sondyqtan ol qoldanystaǵy jumys tártibin qaita qaraýdy usyndy.
«Bul máseleni eshkim kótergen joq, tipti, partiianyń aýdandyq filialy da únsiz otyr. Jeke ózińiz baryp, sý qubyryn paidalanýǵa bergenshe sol jerde otyryńyz. Adamdardyń sýsyz qalai ómir súrip jatqanyn óz kózińizben kórip, sol jerde turyp kórińiz. Shilde aiynyń sońyna deiin aýyl turǵyndary qubyrmen keletin sýdyń igiligin kórýi kerek», - dedi PBK múshesi Maira Aisina.
Jiynǵa qatysýshylar qoǵamdyq rezonansqa qaramastan máseleni sheshýge asyqpaǵan «AMANAT»-tyń Yrǵyz aýdandyq filialynyń sylbyr áreketin de synǵa aldy.
«Atalǵan másele óńirlik sailaýaldy baǵdarlamaǵa jáne ony iske asyrý jónindegi Jol kartasyna engizilmegen. Bul jergilikti halyqtyń problemalaryn zerdeleý boiynsha oblystyq jáne aýdandyq filialdardyń jumysynda aitarlyqtai kemshiliktiń bar ekenin dáleldeidi. Sonymen qatar partiianyń aýdandyq filialy bir jarym jyl ishinde is júzinde tiisti memlekettik organdarǵa birde-bir hat jibermegen, al partiianyń Ortalyq apparatyna oryn alǵan jaǵdai týraly aqparat ýaqtyly jetkizilmedi», - dep atap ótti partiia hatshysy Erjan Jylqybaev.
Jiyn sońynda Komitet «AMANAT»-tyń Yrǵyz aýdandyq filialynyń Atqarýshy hatshysyn, Yrǵyz aýdandyq partiialyq baqylaý komissiiasynyń tóraǵasyn jáne Aqtóbe oblystyq partiialyq baqylaý komissiiasynyń tóraǵasyn partiialyq jaýapkershilikke tartýǵa qaýly etti.
