Ol búginde «Jastar Rýhy» Qazaqstan boiynsha 100 myńnan astam jas azamatty biriktiretinin, olardyń 90%-y óńirlerdegi belsendiler ekenin atap ótti.
– Memleket basshysy Qasym-Jomart Toqaev Sezd delegattaryna arnaǵan úndeýinde Otanǵa qajet ári paidaly bolýǵa umtylý – árbir jas adamnyń maqsaty bolýy tiis ekenin atap ótti. Bul is-shara ul-qyzdardyń birligi men yntymaǵyn aiqyndady. «Jastar Rýhy» jastar úshin tolyqqandy áleýmettik lift bolatynyna kámil senemin, – dedi «AMANAT» partiiasynyń Atqarýshy hatshysy.
Óz kezeginde qyzylordalyq delegat Nurbol Serikpai Sezde partiianyń jastar qanatyn odan ári damytý úshin mańyzdy sheshimder qabyldanǵanyn atap ótti.
– Bizdiń uiymnyń ataýy ózgergeni – onyń 20 jyldan astam ýaqyt tarihyndaǵy jańa kezeńdi bildiredi. Búginde elimizde tereń reformalar júrip jatyr. Jastar osy ózgeristerdiń bel ortasynda bolýy tiis, – dedi ol.
Aqmola oblysynan kelgen Zarina Qaiyrjannyń aitýynsha, «Jas Talks» alańynda qyzyqty spikerler boldy.
– Biz ózge óńirlerdiń jastarymen kezdestik. Tájiribe almasyp, óz ideialarymyzben bólisip qana qoimai, basqa qalalardan kelgen áriptesterimizdiń usynystaryn talqyladyq. Jastar qanatyn transformatsiialaý baǵdarlamasyn eskere otyryp, alǵa qoiǵan mindetterdi iske asyrý úshin tyń kúsh-qýat pen erekshe shabyt aldyq, – dep atap ótti Zarina Qaiyrjan.
Nur-Sultannan kelgen delegat Erlan Marat Sezd jumysynyń beiresmi bóligin joǵary baǵalady.
Esterińizge sala keteiik, Aqmola oblysynyń Zerendi aýylynda ótken Sezd jumysyna barlyq óńirden 350-den astam delegat qatysty. Qatysýshylar úshin bilim berý treningteri uiymdastyryldy. Belgili memleket jáne qoǵam qairatkerleri «Jas Talks» ashyq dialog alańynyń qonaǵy boldy.
Kezekten tys VI Sezdiń sheshimimen jastar qanatyn transformatsiialaýdyń jańa baǵdarlamasy qabyldandy. Jastar uiymynyń ataýy men Ortalyq keńestiń quramy ózgerdi.
Sýretti túsirgen Áli Ǵalym
