ول بۇگىندە «جاستار رۋحى» قازاقستان بويىنشا 100 مىڭنان استام جاس ازاماتتى بىرىكتىرەتىنىن، ولاردىڭ 90%-ى وڭىرلەردەگى بەلسەندىلەر ەكەنىن اتاپ ءوتتى.
– مەملەكەت باسشىسى قاسىم-جومارت توقايەۆ سەزد دەلەگاتتارىنا ارناعان ۇندەۋىندە وتانعا قاجەت ءارى پايدالى بولۋعا ۇمتىلۋ – ءاربىر جاس ادامنىڭ ماقساتى بولۋى ءتيىس ەكەنىن اتاپ ءوتتى. بۇل ءىس-شارا ۇل-قىزداردىڭ بىرلىگى مەن ىنتىماعىن ايقىندادى. «جاستار رۋحى» جاستار ءۇشىن تولىققاندى الەۋمەتتىك ليفت بولاتىنىنا كامىل سەنەمىن، – دەدى «AMANAT» پارتياسىنىڭ اتقارۋشى حاتشىسى.
اسحات ورالوۆتىڭ پىكىرىنشە، جاس ازاماتتار قۋات-كۇشىمەن، جاڭا قازاقستاندى قۇرۋعا بەلسەندى قاتىسۋىمەن پرەزيدەنت باستاماسىمەن قولعا الىنىپ جاتقان رەفورمالاردى ءتيىمدى ىسكە اسىرۋعا ءوز ۇلەسىن قوسادى.
ءوز كەزەگىندە قىزىلوردالىق دەلەگات نۇربول سەرىكپاي سەزدە پارتيانىڭ جاستار قاناتىن ودان ءارى دامىتۋ ءۇشىن ماڭىزدى شەشىمدەر قابىلدانعانىن اتاپ ءوتتى.
– ءبىزدىڭ ۇيىمنىڭ اتاۋى وزگەرگەنى – ونىڭ 20 جىلدان استام ۋاقىت تاريحىنداعى جاڭا كەزەڭدى بىلدىرەدى. بۇگىندە ەلىمىزدە تەرەڭ رەفورمالار ءجۇرىپ جاتىر. جاستار وسى وزگەرىستەردىڭ بەل ورتاسىندا بولۋى ءتيىس، – دەدى ول.
اقمولا وبلىسىنان كەلگەن زارينا قايىرجاننىڭ ايتۋىنشا، «Jas Talks» الاڭىندا قىزىقتى سپيكەرلەر بولدى.
– ءبىز وزگە وڭىرلەردىڭ جاستارىمەن كەزدەستىك. تاجىريبە الماسىپ، ءوز يدەيالارىمىزبەن ءبولىسىپ قانا قويماي، باسقا قالالاردان كەلگەن ارىپتەستەرىمىزدىڭ ۇسىنىستارىن تالقىلادىق. جاستار قاناتىن ترانسفورماسيالاۋ باعدارلاماسىن ەسكەرە وتىرىپ، العا قويعان مىندەتتەردى ىسكە اسىرۋ ءۇشىن تىڭ كۇش-قۋات پەن ەرەكشە شابىت الدىق، – دەپ اتاپ ءوتتى زارينا قايىرجان.
نۇر-سۇلتاننان كەلگەن دەلەگات ەرلان مارات سەزد جۇمىسىنىڭ بەيرەسمي بولىگىن جوعارى باعالادى.
– پلەنارلىق وتىرىستان بولەك، وتە مازمۇندى باعدارلامالار بولدى. ياعني، اقپاراتتىق ترەنينگتەر، سەمينارلار، قىزىقتى مادەني باعدارلامالار ۇيىمداستىرىلدى. الاۋدىڭ اينالاسىندا وتىرىپ، گيتارامەن ءان شىرقادىق، – دەپ قوستى ەرلان مارات.
ەستەرىڭىزگە سالا كەتەيىك، اقمولا وبلىسىنىڭ زەرەندى اۋىلىندا وتكەن سەزد جۇمىسىنا بارلىق وڭىردەن 350-دەن استام دەلەگات قاتىستى. قاتىسۋشىلار ءۇشىن ءبىلىم بەرۋ ترەنينگتەرى ۇيىمداستىرىلدى. بەلگىلى مەملەكەت جانە قوعام قايراتكەرلەرى «Jas Talks» اشىق ديالوگ الاڭىنىڭ قوناعى بولدى.
كەزەكتەن تىس VI سەزدىڭ شەشىمىمەن جاستار قاناتىن ترانسفورماسيالاۋدىڭ جاڭا باعدارلاماسى قابىلداندى. جاستار ۇيىمىنىڭ اتاۋى مەن ورتالىق كەڭەستىڭ قۇرامى وزگەردى.
سۋرەتتى تۇسىرگەن ءالي عالىم
