Qonaev qalasynyń soty «Amanat Drive» qarjy piramidasynyń basshylaryna qatysty úkim shyǵardy, dep habarlaidy dalanews.kz.
Shúken K.K. kináli dep tanylyp, 8 jylǵa bas bostandyǵynan aiyryldy, al Úrátbek M.S. 1 jylǵa bas bostandyǵynan aiyryldy. Sotqa deiingi tergep-tekserý barysynda QMA-nyń Almaty oblysy boiynsha departamenti piramidanyń 8 myńnan astam salymshyny tartqanyn, al salynǵan qarajattyń jalpy kólemi 21 mlrd teńgeden asqanyn anyqtady.
Eske salaiyq, uiymdastyrýshylar azamattarǵa jyljymaityn múlik pen avtokólikterdi tiimdi sharttarmen — paiyz tólemei jáne keiin bólip tóleý múmkindigimen satyp alýdy usynǵan.
Qylmystyq jolmen alynǵan kiristerdi zańdastyrý maqsatynda baqylaýyndaǵy zańdy tulǵalardy — «Allo, ne kerek» JShS, «I M@RKETING» JShS, «Gold SapaPremium» JShS paidalana otyryp, kópdeńgeili shema iske asyrylǵan. Atalǵan kompaniialar jarnama qyzmeti, jyljymaityn múlik jáne kólik naryǵyndaǵy taldaý men boljaý siiaqty qyzmetterdiń jalǵan jetkizýshileri retinde áreket etken. Jalǵan sharttar negizinde 1,8 mlrd teńgeden astam qarajat shyǵarylyp, qolma-qol aqshaǵa ainaldyrylǵan.
Tartylǵan qarajat esebinen sottalǵandar 2 páter jáne Lexus markaly 3 avtokólik satyp alyp, yqtimal tárkileýden jasyrý maqsatynda olardy senimdi adamdardyń atyna rásimdegen. Sot atalǵan múlikti memleket kirisine tárkiledi. Úkim zańdy kúshine engen joq.
