Parlament Senatynyń tóraǵasy Máýlen Áshimbaev Amal merekesine orai Facebook jáne Instagram áleýmettik jelilerinde jazba jariialap, barsha halyqty aitýly kúnmen quttyqtady, dep habarlaidy Dalanews.kz.
"Barshańyzdy Amal merekesimen shyn júrekten quttyqtaimyn!
Amal – ultymyzdy uiystyratyn, halqymyzdyń berekesin eselep, mereiin ósiretin izgi mereke. Qazirgi tańda bul kún tutas elimiz úshin ortaq meiramǵa ainaldy desek, artyq bola qoimas. Durys qundylyqtardy dáripteitin osyndai merekede elimizdiń biregeiligi aiqyndalyp, birligi bekemdele túsedi.
Prezidentimiz Qasym-Jomart Kemeluly Toqaev Naýryz meiramyn jańa formatta atap ótýdi usynǵan bolatyn. Osyǵan bailanysty tyń bastamalar qolǵa alynyp jatqany belgili. Mundai qadam tarihi sanamyzdy jańǵyrtyp, ulttyq rýhymyzdy odan ári shyńdaý úshin qajet", - dedi ol.
Sondai-aq bul igi dástúr qoǵamda ózara qurmettiń, baýyrmaldylyqtyń jáne meiirimdilik pen janashyrlyqtyń mańyzyn arttyrady.
"Barshańyzdy kóktemniń osy merekesimen quttyqtai otyryp, elimizge amandyq, jerimizge tynyshtyq jáne ár shańyraqqa baq-bereke tileimin! Amaldan amalǵa aman-esen jete bereiik!", - dep jazdy Máýlen Áshimbaev.
