Meksıkalyq boksshy Saýl «Kanelo» Alvares (48-1-1, 34 KO) WBA (Super), IBO, WBC jáne IBF tujyrymdary boıynsha álem chempıony Gennadıı Golovkınnmen jekpe-jek ótkizý úshin qazaqstandyq boksshyǵa resmı usynys jasaǵanyn málimdedi, dep habarlaıdy Vesti.kz..
«Golovkınge jekpe-jek týraly resmı usynys jasaldy. Biz kelisimshartty onyń ústeline qoıdyq. Endi jaýabyn kútip otyrmyz. Kelisimshartqa Golovkın kelisim bergen kúni qol qoıýǵa daıynbyz. Biz usynysty jasaǵanymyzǵa biraz ýaqyt boldy. Biraq Golovkın áli jaýap bergen joq. Demek ol menimen judyryqtasqysy kelmeıdi degen sóz», - dedi Alvares.
Eske salaıyq, Golovkın men Alvarestiń komandalary jekpe-jekti ótkizý týraly ótken jyldan beri kelissózder júrgizip keledi. Biraq eki jaq áli jekpe-jektiń qarjylyq sharttaryna kelise almaı jatyr.
Aıta keteıik, Golovkın kelesi kezdesýin 18 naýryz kúni amerıkalyq Denıel Djeıkobspen, al Saýl Alvares 6 mamyrda Las-Vegastaǵy «T-Mobile Arena» sport kesheninde kimi Hýlıo Sezar Chavespen ótkizedi.
Derekkóz: Baq.kz
