مەكسيكالىق بوكسشى ساۋل «كانەلو» الۆارەس (48-1-1، 34 KO) WBA (Super)، IBO، WBC جانە IBF تۇجىرىمدارى بويىنشا الەم چەمپيونى گەنناديي گولوۆكيننمەن جەكپە-جەك وتكىزۋ ءۇشىن قازاقستاندىق بوكسشىعا رەسمي ۇسىنىس جاساعانىن مالىمدەدى، دەپ حابارلايدى Vesti.kz..
«گولوۆكينگە جەكپە-جەك تۋرالى رەسمي ۇسىنىس جاسالدى. ءبىز كەلىسىمشارتتى ونىڭ ۇستەلىنە قويدىق. ەندى جاۋابىن كۇتىپ وتىرمىز. كەلىسىمشارتقا گولوۆكين كەلىسىم بەرگەن كۇنى قول قويۋعا دايىنبىز. ءبىز ۇسىنىستى جاساعانىمىزعا ءبىراز ۋاقىت بولدى. ءبىراق گولوۆكين ءالى جاۋاپ بەرگەن جوق. دەمەك ول مەنىمەن جۇدىرىقتاسقىسى كەلمەيدى دەگەن ءسوز»، - دەدى الۆارەس.
ەسكە سالايىق، گولوۆكين مەن الۆارەستىڭ كوماندالارى جەكپە-جەكتى وتكىزۋ تۋرالى وتكەن جىلدان بەرى كەلىسسوزدەر جۇرگىزىپ كەلەدى. ءبىراق ەكى جاق ءالى جەكپە-جەكتىڭ قارجىلىق شارتتارىنا كەلىسە الماي جاتىر.
ايتا كەتەيىك، گولوۆكين كەلەسى كەزدەسۋىن 18 ناۋرىز كۇنى امەريكالىق دەنيەل دجەيكوبسپەن، ال ساۋل الۆارەس 6 مامىردا لاس-ۆەگاستاعى «T-Mobile Arena» سپورت كەشەنىندە كىمى حۋليو سەزار چاۆەسپەن وتكىزەدى.
دەرەككوز: Baq.kz
