Altynai Jorabaeva: "Bul ne sumdyq?"
Bul týraly Jorabaeva óziniń Instagram-paraqshasynda málimdedi. Alaida, arada birneshe saǵat ótkennen keiin ol jazǵan jazbasyn qaita óshirip tastady. Altynaidyń sózinen uqqanymyz, Láilá Sultanqyzy ony «Tikelei efirge» kelip shyǵarmashylyǵy, Astanadaǵy ómiri jaily aityp berýin suraǵan eken. Ol bolsa oilanbai kelisken. Alaida, «Tikelei efir» jobasynyń Instagram-paraqshasyndaǵy anonsta Altynai men Sábittiń ne úshin ajyrasqany týraly málimdeimiz dep jarnama taratqan. Altynaidyń jazbasynan keiin bul jarnama da «joǵalyp» ketti.
– Mynaý ne sumdyq? Nege menimen aqyldaspaidy? Qyzdarymdy shaqyryp, efirge shyǵaryp qoiyp, Sábit ekeýimizdiń ómirimizdi búkil halyqtyń aldynda ne úshin talqylaýymyz kerek? Baǵdarlamaǵa shaqyratyn kezde tek meniń shyǵarmashylyǵym, Astanada qalai turyp jatqanymyz, qyzdarym Astanany qalai qabyldady, ákem men anamnan meniń balalyq shaǵym jaiynda oi órbitetinderi jaily ǵana aitqan bolatyn. Al mynany qalai túsinýge bolady? – dep ashyna jazdy Altynai Jorabaeva.
Aita keteiik, «Tikelei efir» búgin saǵat 15.00-de kórsetiledi. Alaida, oǵan Altynai Jorabaeva shyǵa ma, joq pa, ol jaǵy belgisiz qalyp otyr.
Derekkózi: stan.kz
