Altynai Jorabaeva "Birinshi toiymda aq kóilek kigen joqpyn"
– Aldyn-ala ton pishpei-aq qoiaiyn. Endi ony ýaqyt kórsetedi. «Baqyt – tynyshtyqty jaqsy kóredi» deidi. Meniń ustanymym solai, tynysh qana bala-shaǵam, bolashaq jarym kezdesip jatsa sonymen baqytty bolý. Turmysqa shyǵyp jatsaq jariialap aitamyz ǵoi. Ol mindetti túrde aq kóilek kiip, úlken toi jasap degendei emes. Men birinshi toiymda da aq kóilek kigen joqpyn. Ondai úlken toi bolǵan joq, tek qazaqsha qudalyq boldy. Men ol kezde «nege toi bolmady?» dep suraǵan da joqpyn. Aq kóilek kiiý jaǵyn tórt qyzymmen aqyldasamyn. Olar ne aitady, sol bolady, – deidi ánshi.
Ánshiniń ákesi qyzyna ekinshi ret turmysqa shyǵý týraly keńes berip, eldiń ósegine qalmaýdy aitqan. Al qyzdary bolsa óz kezeginde analarynyń baqytty júzin kórgenge qýanbasaq, qyzǵanbaimyz dep ashyp aitypty.
– Úide ashýlanyp, kúizeliske túsken kezde qyzdarym aitady ǵoi. Bir kún aqyldasyp, sóilesip otyryp: «Eger maǵan bolashaq adam kezdesip, sonymen otbasy quramyz dep jatsaq qalai qaraisyńdar?» degenimde, eki úlken qyzym: «Onda turǵan eshteńe joq. Siz áli jassyz ǵoi, sizdiń baqytty bolyp júrgenińiz bizge de jaqsy. Eger sizdi bireý alaqanyna salyp, mápelep jatsa nege qýanbasqa?! Biz qyzǵanbaimyz, kerisinshe qýanamyz», – dep aitty.
Ákem aitady: «Jaqsy jar kezdesse, turmysqa shyǵyp al. Áitpese, ósek bolyp ketesiń dep. Qasqyrdyń aýzy jese de qan, jemese de qan degen. Jalǵyzdyq – qudaiǵa ǵana jarasqan deidi. Sol sebepti kez-kelgen áiel bolsyn, er azamat bolsyn baqytty bolýǵa laiyqty dep oilaimyn!»,- dep aǵynan jaryldy ánshi.
Eske salsaq, 2016 jyly Altynai Jorabaeva belgili akter Sábit Ábdihalyqovpen ajyrasyp ketken. Jubailardyń búginde tórt qyzy bar.
Derekkóz: nur.kz
