Buǵan deıin ánshi jeke ómirine qatysty suraqtardan basyn ala qashyp, ajyrasýyna qatysty pikir bildirmegen edi. Alaıda kúni keshe oqyrmandaryna shamyna tıip ketse kerek-ti, Altynaı bul suraqtyń núktesin qoıýǵa bel býdy. Sebebi jeli oqyrmandary ajyrasqan áıel bolǵany úshin ǵana Jorabaevany tusaý kesýge laıyq kórmepti.
– Aldyńǵy postta Tomırıs degen búldirshinniń tusaýyn keskenimdi salyp edim, neshe túrli pikirdi oqyp, Alladan keshirim suradym sol adamdar úshin. Jáne eshqandaı kúsh jumsamaı saýapqa ıe bolǵanyma Allaǵa shúkir ettim. Birinshiden eshkimniń kepildigi joq, erteńgi kúni jaǵdaıy qandaı bolatynyna… Ekinshiden men tusaý keskenim úshin aqsha suraǵan joqpyn, almaımyn da. Al án salyp qyzmet jasaý ol basqa. Negizi men qanshama adamǵa “otkaz” berip kelemin, tusaý kesý bolsyn, qyz uzatý bolsyn. "Men ajyrasqanmyn, erteń kóńilderińizge alyp qalarsyzdar, odanda otbasy bar kelinshekterge aıtyńyzdar” – dep. “Joooq ondaıdy kóńilimizge almaımyz” dep jatsa da kelispedim. Sodan meniń kómekshim Aqerke aıtty, “Altynaı Qulajanqyzy, nege siz ózińizdi tómen sanaı beresiz? Siz de tórt qyzdyń anasysyz ǵoı, qyzdaryńyz qandaı tárbıeli, Alla, ondaıdy qoıyńyz, sizge uqsaǵysy kelip júrgen qanshama qyz-kelinshek bar" degen soń, keshe tusaý kesýge kelisken bolatynmyn.
Shynynda da men, kúıeýge ajyrasamyn dep tıgen joqpyn. Bir úlgili otbasy bolamyz Alla buıyrtsa degen arman boldy. Meni ákem men anam erińe qarap sóıleme, erińdiki durys bolsa da durys, durys emes bolsa da durys dep tárbıeledi… Meıli úı tirligi bolsyn, dala tirligi bolsyn barlyǵyn ózim jasap júre beretinmin… Óıtkeni bizdi solaı tárbıeledi. Mynaý áıeldiń, mynaý erkektiń jumysy dep bólmedik. Al ony túsinbeıtin, baǵalamaıtyn erkek bolatynyn aıtpapty… Biraq shydamdylyqtyń da shegi bolady ǵoı. Meni ákem men anam kósheden taýyp alǵan joq qoı. Men de et pen súıekten, sezimnen jaratylǵanmyn… Alla bizden jaqsy biledi. Ár nárseniń xaıyry bar. Bizge osylaı xaıyrly bolǵan shyǵar… Árıne óz pikirlerińizde qala berińizder, men ózgertýge tyryspaımyn. Biraq ómirimizge balta shappaıyq. Bul ómir synaq!” – dep jazdy Altynaı Instagram paraqshasynda.
