Jalpy saýda alańy 218 151 sharshy metrdi quraidy. Taýar ainalymynyń kólemi aiyna orta eseppen 147 mln teńgege, júk ainalymy kúnine 500 KamAZ-ǵa deiin jetedi.
Kúnine bazarǵa 8-15 myń satyp alýshy keledi.
"Altyn Orda" bazarynda 5050 saýda orny bar. Olardy 45 440 adam jalǵa alady. Jaldaý quny orta eseppen 42,5 myń teńgeni quraidy.
Sondai-aq aýmaǵynda "Altyn Orda" qonaq úii ornalasqan.
Saýda ministrligi bazar ishki saýda erejelerimen belgilengen talaptarǵa sáikes kelmeitinin, saýdanyń kóleńkeli ainalymy bar ekenin málimdedi.
Vedomstvo bazar jumysyn toqtatý jaǵymsyz saldarǵa ákelýi múmkin dep otyr.
"Mysaly, bazardaǵy saýda jáne jumys oryndarynyń sanyn qysqartý ol jerdegilerdiń narazylyǵyn týǵyzady. Sondai-aq taýar aǵyny Qyrǵyzstannyń Dordoi bazaryna kóship, saýda oryndarynda apatty jaǵdailardyń paida bolýyna ákelýi múmkin. Jaqyn mańdaǵy bazarlar úlken taýar aǵynyna tótep bere almaidy. Almaty oblysynda 84 bazar, Almatyda 45 bazar jumys isteidi. Olarda artyq oryn joq, tolyp tur", – delingen ministrlik habarlamasynda.
Aita ketsek, Qasym-Jomart Toqaev Almaty oblysy men Almaty ákimderine úkimetpen birlesip, eki ai ýaqytta "Altyn Orda" bazarynda tártip ornatýdy tapsyrǵan. Prezident ol jerdiń paidakúnemder úshin naǵyz "maishelpekke" ainalǵanyn aitqan bolatyn.
Azamattarǵa arnalǵan úkimettiń derekterine sáikes, KURYLYS LTD JShS quryltaishysy jáne basshysy retinde eldiń burynǵy prezidenti Nursultan Nazarbaevtyń inisi Bolat Nazarbaev kórsetilgen.
Derekkóz: Stan.kz
