Salynyp jatqan saýda keshenine aldyn ala tólegen qarajattaryna qaramastan saýdagerler dalada qalýy múmkin.
20 gektar jerdi alyp jatqan bazardy 2022 jyldyń 20- sáýirde jańa qojaıyn ózderiniń atyna reıderlik áreket arqyly kúshpen rásimdep alǵan. 2007 jyldan bastap bazardyń zańdy ıesi retinde "Qurylys LTD" JSHS tanylǵan.
Al bazardyń isin "Altyn Orda QazTrade LTD" JSHS kelisim shart negizinde júrgizgen. Modernızasıalaý, ıaǵnı saýdagerlerge jyly ári yńǵaıly saýda oryndaryn jasaý maqsatynda qos kompanıa birigip jumys istegen.
Investor retinde "Altyn Orda QazTrade LTD" JSHS buǵan deıin 80 adamǵa arnalǵan et bordaqylaý ǵımaratyn, 400 kásipkerge arnalǵan quny 1,2 mıllıard teńge turatyn saýda keshenin salǵan.
2020 jyldan bastap eki qabatty, 30 myń sharshy metrlik saýda ortalyǵynyń qurylysy bastalǵan. Ǵımarattardan oryn alý úshin 800 kásipker birigip 4 mlrd. teńge qarajatqa "Altyn Orda QazTrade LTD" JSHS arqyly qurylysqa aqsha salǵan. Búgingi tańda "Altyn Orda QazTrade LTD" JSHS bastaǵan qurylystyń 95%-y bitip tur.
19 –sáýirde tekserýdi toqtatý týraly Bas prokýratýranyń qaýlysy shyǵady. 20-sáýir kúni bazardyń jańa qojaıyny "90-jylǵy" áreketterdi paıdalana otyryp «Qurylys LTD» JSHS dırektorynyń senimhaty bar Kamıla Túgelbaeva esimdi zańger áıeldi qorqytyp, úrkitý arqyly qujattardy Danıar Álpıevke reıderlik jolmen tartyp aldy.
Iaǵnı, zańsyz, tikeleı Qyrǵyzstannyń bandıtteri arqyly bazardy Álpıev tartyp aldy. Al bazardy júrgizip kelgen "Altyn Orda QazTrade LTD" JSHS kúshpen qýyp shyqty.90 paıyzy bitýge aınalǵan saýda keshenin aqshasyn tólep qoıǵan kásipkerlerge ǵımarattan oryn bermeımiz dep jatyr. Bul taza reıderlik áreket.
Bazardy alǵash ret 2000 jyldary Altynbek Álpıev dostarymen birigip ashqan. Bazardy 2007 jylǵa deıin sol basqarǵan. Altynbek Álpıevti qasaqana óltirip, seriktes dostary bazardy satyp jibergen.
Danıar Álpıev - Qyrǵyzstannyń týmasy, onyń ákesi Altynbek Álpıev. 2019 jyly Danıar Álpıev bank isindegi qylymysy úshin «alaıaqtyq» baby boıynsha 3 jyl 9 aı merizimne shartty túrde bas bostandyǵynan aıyrylǵan qylmysker ekeni belgili.
Jaqynda Danıar Álpıev vıdeo úndeý arqyly Prezıdentten de kómek surap otyr. Biraq ol shyndyǵynda múlkinen aıyrylyp qalǵan adam emes. Qazir bazar qyrǵyzdardyń qolyna kóshti. Halyq ashýly.
Al, 30 myń sharshy metr saýda kesheniniń ózderine berilmeıtinin estigen halyq mıtıńige shyqpaq ta bolǵan. Másele sheshilmegenditken "Altyn Orda QazTrade LTD" JSHS ókilderi men saýdagerler 26-sáýir kúni saǵat 11:00 Altyn Orda bazarynyń aldynda BAQ arqyly qoǵamnan, bılikten ádildik suraıdy.
