2024 jyly sáýir aiynyń 5 kúni «Altyn Orda» ámbebap saýda kesheniniń kásipkerleri men ujymy tasqynnan zardap shekken aimaq turǵyndaryna gýmanitarlyq kómek jiberdi.Igi is-shara barysynda saýda kesheniniń atynan Aqtóbe, Qostanai oblysy, Torǵai dalasy, Amangeldi óńirleriniń sý basqan eldi mekenderine jalpy kólemi 30 tonnaǵa jýyq qajettiliktermen tolyqtyrylǵan 3 úlken júk kóligi men 1 gazel jóneltildi.Ketken logistikalyq shyǵyndarǵa da bazar ákimshiligi qoldaý jasady.
«Bazarda kásibimdi dóńgeletip otyrǵanyma jiyrma jyldai ýaqyt boldy. Osy aralyqta bizdiń ujym ákimshilikpen birigip talai igi isterge atsalysty. Tabiǵat apatynan japa shekken elimizdiń ár túkpirindegi baýyrlarymyzǵa kómek qolyn sózý – paryzymyz dep bilemin. Qasietti Ramazan aiynda, búgingi Qadir túni aldynda Jariia sadaqa dep kómek qolyn sozyp jatyrmyz» - dedi ámbebap saýda kesheniniń kásipkeri Saltanat Bedelqyzy.
«Biz – birtutas halyqpyz. Qýanyshta da, qaiǵyda da birgemiz. «Altyn Orda» bazary árqashan halyqpen birge jasasyp keledi. Sol sebepti de kópti alańdatqan ahýaldan tys qala almaimyz. Sý basqan eldi mekendermen bailanysyp, olardyń qandai zattarǵa muqtaj bolyp jatqandaryn surap-bildik. Sáikesinshe, bazar atynan kómek qolyn sozǵysy kelgen eriktilerdiń basyn qosyp, júk kólikterin qajetti zattarmen tolyqtyrdyq. Bizdiń kómegimiz qarlyǵashtyń qanatymen sý sepkendei bolsa da tasqynnan zardap shekkenderdiń kóńiline medeý bolsa deimiz. Bul sý basqan belgili bir óńir halqynyń ǵana emes, tutas eldiń janyna batqan aýyr jaǵdai dep bilemiz.» - dedi «Altyn Orda» ámbebap saýda keshenin basqarýshy kompaniia «Big City Market» JShS direktory Daniiar Dýzbaev.
Aita keteiik, «Altyn Orda» ámbebap saýda kesheni qaiyrymdylyq is-sharalaryna árdaiym belsendi túrde atsalysyp, kómekke muqtaj jandardy nazardan tys qaldyrǵan emes.
