Shara barysynda ministrge Ridder qalasynyń dendrosaiabaǵyna qatysty suraq qoiyldy. Eske salaiyq, dedropark aýmaǵynda mektep salý josparlanǵan. Turǵyndar bilim oshaǵyn basqa jerden salýdy ótindi.
– Meniń oiymsha, bul saiabaqty áli de saqtaý kerek. Jańa aǵashtardy otyrǵyzýǵa jyldar qajet. Men ákimdikten Bas jospardy qaita qarap, jurtshylyq pen halyqtyń pikirin eskere otyryp, pysyqtaýdy surar edim, – dedi Zúlfiia Súleimenova.
Biraq mektep salyp, aýmaqty abattandyrý týraly usynysty qoldaǵandar da boldy. Óz kezeginde Ridder qalasy ákiminiń mindetin atqarýshy Darhan Qosantaev bolashaq qurylys alańynyń aýmaǵynda ósip turǵan aǵashtardyń joiylmaitynyn, tek jaqyn mańǵa otyrǵyzylatynyn atap ótti.
Sondai-aq jiyn barysynda oblys turǵyny zańnamalyq turǵyda oksitehnologiia arqyly jasalǵan paketterdi óndirýge jáne satýǵa tyiym salýǵa usynys jasady.
Sonymen qatar, shara barysynda Kúrshim aýdanyndaǵy altyn óndirý fabrikasyna qatysty saýaldar qoiyldy. Maraldy aýylynyń turǵyndary aýylda altyn óndiretin zaýyt salýǵa qarsy ekenin bildirýde.
– Bizdiń bilýimizshe, kompaniia tájiribelik óndiriske ruqsat alǵan. Ekologiia ministrligi ruqsat bermedi. Bizge joba kórsetilgen kezde, bizde de ózenge belgili bir himiialyq zattardyń túsý múmkindigi týraly suraqtar týyndady. Biz munyń bárin qarap shyǵyp, óz pikirlerimizdi qostyq. Bizdiń ministrlik altyn óndirýge eshqandai ruqsat bermegenin taǵy da atap ótkim keledi, – dep túsindirdi QR Ekologiia jáne tabiǵi resýrstar ministri.
