Ministir jańa buiryqta «Altyn belgi» tósbelgisin alý talaptary aitarlyqtai kúsheitilgenin alǵa tartypty.
– Esterińizge sala keteiin, «Altyn belgi» tósbelgini alý talaptardy kúsheitý týraly sheshim muǵalimderdiń 2021 jylǵy tamyz keńesinde qabyldanǵan bolatyn. Osylaisha, kelesi jyldan bastap 9-synypty aiaqtap, arnaiy attestat jáne 10-11 synyptardyń barlyq oqý toqsany boiynsha «úzdik» degen baǵa alǵan oqýshylar «Altyn belgi» tósbelgisine úmitker bola alady, – deidi Ashat Aimaǵambetov.
Sondai-aq talapkerler NZM bazasynda matematikadan emtihan tapsyrýy kerek. Bul shara akademiialyq adaldyqty qamtamasyz etý úshin qabyldanǵanyn aita ketýimiz kerek. Bul rette NZM-de emtihan tapsyratyndarǵa da, jalpy bilim beretin mektep bazasynda tapsyratyndarǵa da tapsyrmalar birdei bolady.
Byltyr mektep bitirýshiler rekordtyq «Altyn belgi» aldy. Keibireýleri UBT nátijesi boiynsha tómen ball alǵan bolatyn. Osyǵan bailanysty úmitkerlerdi úzdik belgisine obektivti jáne ashyq baǵalaý úshin emtihandardyń biri táýelsiz bilim berý uiymynda ótetin bolady.
– Aitpaqshy, normalar kelesi jyldan bastap kúshine engenimen, biyl UBT qorytyndysy boiynsha úzdik belgisin berýdiń obektivtiligi baǵalanady. Osyǵan bailanysty mektep ákimshiligi, bilim basqarmalary men bólimderi qorytyndy emtihandarynyń ashyqtyǵy men obektivtiligin qamtamasyz etýi tiis. Árbir jaǵdai boiynsha UBT nátijeleriniń qorytyndylaryna taldaý júrgiziledi, – dedi ministr.
Buiryqtyń mátini QR Ádilet ministrliginde tirkelgennen keiin jariialanady.
