Osy jazda "Baiqońyr" aýdanyna qarasty 30 aýlanyń ishinde oiyn alańdary, kóshe trenajerleri, fýtbol alańdary ornatyldy.
Hokkei-fýtbol korty men balalar alańy demeýshilik qarajat esebinen Aqbidai (d15) kóshesinde ornalasqan "Óndiris" eldi-mekeniniń aýlasynda ornatylady. Kóshelerde 4 myńnan astam sham ornatyldy, zamanaýi energiia únemdeitin 400 sham qoiyldy. Bosaǵan shamdar "Óndiris" eldi-mekeninde ornatyldy.
"Esil" aýdany aýlalarynyń 85% qanaǵattanarlyq jaǵdaida. Trotýarlar men skverlerdi jailastyrý, músin qurylystaryn jóndeý boiynsha jumystar júrgizildi. 38 úidiń aýlasy jaryqpen qamtyldy. Demontajdalǵan shamdar "Vostochnaia Ilinka" eldi-mekeniniń jaryqpen qamtylmaǵan kóshelerine ornatty. "Almaty" aýdany aýlalarynyń tek 10 % retke keltirý qajet.
Aǵymdaǵy jyly 42 aýlada jóndeý-qalpyna keltirý jumystary júrgizildi. Aqbulaq ózeniniń jaǵasynda, Stýdentter, Jeruiyq jáne Prezident saiabaqtarynda, B. Momyshuly jáne A. Pýshkin atyndaǵy skverlerde, Abylai han dańǵylyndaǵy býlvarda abattandyrý jumystary júrgizilip, kóshe jihazdary jóndeldi. Jyl basynan beri 10 sýburqaq kesheni iske qosyldy.
Aǵymdaǵy jyly aýdannyń barlyq aýlalaryn jaryqpen qamtamasyz etý máselesi sheshildi. Saryarqa aýdanynda turǵyndardyń yńǵailylyǵy úshin 40 aýla abattandyryldy, jaryqpen 370 úidiń aýlasy qamtyldy, kireberis joldarǵa asfalt tóseldi.
Qala ákimi A. Kólginov qys mezgilinde qujattardy daiyndap, konkýrstyq jumystardy júrgizý, al kóktem mezgilinde aýmaqtardy abattandyrýǵa kirisý qajettigin atap ótti. Kelesi jyly 200-den astam aýla abattandyrylyp, sport alańdary ornatylatyn bolady.
Sonymen qatar 130 km velojol tóselip, jaryqdiodty shamdardy energiia únemdeitin shamdarǵa aýystyrý, keminde 20 kóp páterli turǵyn úi keshenderiniń TKSh jańǵyrtý, saiabaqtar men skverlerdi ashý, áleýmettik nysandar men trotýarlarǵa jáne t. b. kireberisterge asfalt tóseý jumystary josparlanýda.
"Jumysymyzdyń bári qala turǵyndaryna qolaily jaǵdai jasaý úshin atqarylady Biz elordanyń barlyq aýdandaryn kezeń-kezeńimen aralap, turǵyndarmen kezdesip, aitylǵan barlyq máselelerdi sheshemiz. Áleýmettik nysandardyń ainalasyndaǵy kedergilerdi joiý jáne úi mańyndaǵy aýmaqtardy jailastyrý qajet. Barlyq bilim berý mekemeleri ornalasqan kóshelerdi jaryqpen qamtý mańyzdy.
Sýyq bastalǵanǵa deiin jyly aialdamalardy ornatý qajet. Kóktem mezgilinde aǵash otyrǵyzýǵa daiyn bolýymyz kerek. "Nurjol" býlvarynda, "Nur Astana" meshitiniń qasynda egilgen aǵashtar jaqsy ornyǵyp, ystyq kúnderi qala turǵyndary kóleńkede panalaityn orynǵa ainaldy. Bul tájiribeni jalǵastyrý kerek", - dedi A. Kólginov.
Qala ákiminiń aitýynsha, aýlalardy abattandyrý, Aýmaqtardy jóndeý kezinde"qarapaiym zattar ekonomikasy" qaǵidasyn basshylyqqa alý qajet.
