– Sapaly bilim berý men oqýshylardyń jan-jaqty damýy úshin mektepterdi salyp, olardy jóndeýden basqa, qosymsha bilim berýdi damytýǵa erekshe nazar aýdarý qajet. Memleket basshysynyń tapsyrmasyna sáikes balalardy qosymsha bilimmen barynsha qamtý boiynsha jumystar júrgizilip jatyr. Balalardyń sporttyq, shyǵarmashylyq jáne ziiatkerlik áleýetin iske asyrýy mańyzdy.
Búgin birqatar kópbeiindi qosymsha bilim berý ortalyqtarynyń jumys barysymen tanystym. Onyń ishinde Jeleznodorojnyi eldi mekenindegi ornalasqan tehnikalyq shyǵarmashylyq ortalyǵy bar. Ǵimarat buryn bos tursa, qazir jóndelip, qosymsha bilim beretin ortalyqqa ainaldy (J.Jabaev kóshesi, 27). Atalmysh qosymsha bilim berý ortalyǵynda robototehnikamen, aviamodeldeýmen, tehnikalyq dizainmen, qolónermen, motokrospen ainalysý úshin barlyq jaǵdai jasalǵan. Ortalyqtyń 30-dan astam filialy jumys isteidi. Olar qala ishinde de, eldi mekenderde de ornalasqan. 7 jastan 18 jasqa deiingi balalar ortalyqqa tegin bara alady.
Sonymen qatar M.Ótemisov atyndaǵy Oqýshylar saraiynda bolyp, jumysymen tanystym (Á.Mámbetov kóshesi, 1). Munda kúrdeli jóndeý jumystary júrgizilip, qosymsha úiirmeler ashyldy. Kórkem jáne áleýmettik shyǵarmashylyqty, dene shynyqtyrý men sportty damytý úshin barlyq jaǵdai jasalǵan. Ortalyqta lingvistika, dombyra, shahmat, toǵyzqumalaq, robototehnika, videografika, sport sektsiialary (bassein, basketbol) jáne t. b. kabinetter bar.
Balalardy qosymsha bilimmen qamtýda aýla klýbtary da kómektesedi. Búginde Nur-Sultanda 28 aýla klýby jumys istep tur, al olardyń tárbielenýshileriniń sany shamamen 3 myń balany quraidy.
Eger mektep qurylysy týraly aitatyn bolsaq, biyl 16 iri mektep salamyz. Olar biyl 40 myńnan astam jańa oqýshy ornyn qurýǵa múmkindik beredi. Bul ótken jylmen salystyrǵanda 2 ese kóp.
Keshendi jospar aiasynda bes jyl ishinde 50-ge jýyq memlekettik mektep salamyz. Sondai-aq mektep qurylysyna jeke investitsiialar tartamyz. Investitsiialyq keńesterde 30-dan astam jekemenshik oqý oryndarynyń qurylysy qoldandy.
Biyl qosymsha jańa Oqýshylar saraiy ǵimaratynyń qurylysyn bastaimyz, – dep jazdy elorda ákimi.
