Kezdesý «Januıa» otbasy ınstıtýtyn qoldaý ortalyǵynda ótti. «Qorǵaý Astana» jeke qorynyń basshysy Anna Ryl úıde zorlyq-zombylyqty bastan keshken jáne ómirlik qıyn jaǵdaıǵa tap bolǵan adamdar úshin panany keńeıtýge kómek qajet ekenin atap ótti.
– Biz turǵyndar tap bolǵan árbir oqıǵaǵa bar jaýapkershilikpen qarap, aıaǵyna deıin jumystanatyn keıs retinde qabyldaımyz. Ortalyqta adamdar 6 aıǵa deıin tura alady. Ortalyqqa kelýshilermen psıhologtar jumys isteıdi, – dedi ortalyq jetekshisi.
«Dos» múgedekter qoǵamdyq birlestiginiń ókili Ardaq Otarbaev jol-kólik oqıǵasynan keıin múgedekter arbasyna otyrǵan. Alaıda bı jarystarynda óner kórsetip, qoǵamda belsendilik tanytyp júrgen jandardyń biri.
Qala ákimi Altaı Kólginov barlyq múgedek jandardyń júrip-turýyna kedergilerdi alyp tastaý qajettigin, «qala turý úshin qolaıly bolýy tıis» dep atap ótti.
Halyqtyń áleýmettik álsiz toptary men erekshe qajettilikteri bar adamdardy jumysqa ornalastyrý sharalary týraly GreenTAL jetekshisi Emın Askerov aıtyp berdi. Sondaı-aq, keńeste «28 petel» klýbynyń jumysy talqylandy. Atalmysh klýb shala týǵan balalarǵa kıim-keshek tigýmen aınalysady.
Elorda ákimi Altaı Kólginov qatysýshylarǵa alǵysyn bildirip, birlese jumystanýǵa shaqyrdy. Óz usynystaryn aıtyp jetkizdi.
– Men árbir sóz sóıleýshiden naqty usynystar men jobalardy estigenime óte qýanyshtymyn. Biz birge jumystanyp, kóptegen ıgi isterdi birlese atqara alamyz. Bıyl belsendi ÚEU sany ótken jylmen salystyrǵanda 2 esege artty – 273-ten 471-ge deıin. Qoǵam úshin paıdaly jobalardy ilgeriletetin ÚEU bar ekeni qýantady. Prezıdent 2020 jyldy eriktiler jyly dep jarıalady. PIK jumystaryn jaqsartý úshin birlesip jumys jasaýdy usynamyn. Óıtkeni PIK-jergilikti ózin-ózi basqarýdy uıymdastyrý. Mańyzdy nátıjelerge qol jetkize alamyz. Sondaı-aq qalalyq qoǵamdyq keńistikti damytýmen birlese aınalysa alamyz, – dedi qala ákimi A. Kólginov.
