«Memleket basshysy azamattyq qoǵam ınstıtýttaryn, onyń ishinde Ulttyq qoǵamdyq senim keńesin damytýdyń mańyzdy ekenin aıtty. Bizge de qalalyq Qoǵamdyq keńespen ózara baılanysty kúsheıtý qajet.
Jaqynda ǵana 16 turǵyn úı alabyn damytý boıynsha qoǵamdyq tyńdaýlar ótkizdik. Turǵyndardyń barlyq shaǵym-eskertpelerin tyńdap, negizgi máselelerdi josparǵa engizdik.
Prezıdent pikir alýandyǵy men ashyqtyqty damytýǵa, beıbit pikir bildirgen azamattardyń quqyǵyn qorǵaýǵa úlken mán berip otyr.
Qala máslıhatynyń sheshimimen ruqsat berilgen beıbit mıtıńter ótkizýge eki arnaıy oryn bólingen. Biraq, kez kelgen zańbuzýshylyq pen tártipti buzýdyń joly kesiledi. Bizdiń mindetimiz - turǵyndardyń tynyshtyǵyn qamtamasyz etý.
Jáne biz memleket ókili retinde azamattarymyzdyń múddesin qorǵaımyz. Biryńǵaı azamattyq qundylyqtardy engizý, konfesıaaralyq, etnıkaaralyq kelisim men ózara qurmetti arttyrý jumystaryn kúsheıtýimiz qajet», - dedi Altaı Kólginov.
Ákimniń aıtýynsha, elordada 130-dan astam ult ókilderi turady jáne 23 etnomádenı birlestik jumys isteıdi.
«Bul mádenı baılyqty saqtaý kerek. Sonymen birge, memlekettik tilimizdiń rólin arttyrý mańyzdy. Ol úshin turǵyndar tilimizdi tereńirek zerdelep, kúndelikti qoldanǵany jón», - dedi A. Kólginov.
Derekkóz: Qazaqparat
