«Agrarlyq sektor bizdiń aýdanymyzdyń ekonomikasynyń eń basym baǵyttarynyń biri. Óndirilgen aýyl sharýashylyǵy óniminiń 75%-y ósimdik sharýashylyǵy salasyna, 25%-y mal sharýashylyǵyna tiesili. Neǵurlym mol ónim daqyldar – bidai, arpa, suly, qaraqumyq, maily daqyldardan – kúnbaǵys jáne raps», – deidi Qalihan Baiǵonysov.
Aita keterligi, aýdannyń agrarshylary jyl saiyn ylǵal resýrstaryn saqtaý tehnologiiasy boiynsha óńdeletin egis alqaptaryn ulǵaitýda. Búginde alqaptyń kólemi 55 myń gektar boldy.
Biyl aýdan diqandary orta eseppen gektarynan 20 tsentnerden astam ónim alǵan. Gektarynan 40 tsentnerden astam ónim alǵan sharýashylyqtar da bar.
Ákim málimeti boiynsha jyl saiyn "Lých" jáne "Altai Belovode" sharýa qojalyqtary joǵary nátije kórsetedi.
Aýdanda mal sharýashylyǵyna da kóp kóńil bólinýde. Ákimdik mal basyn kóbeitýge kúsh salǵan sharýalardy qoldap, demep otyratyn dástúr qalyptastyrǵan.
«Aýdannyń eldi mekenderinde bes sút-taýar fermasy tabysty jumys istep tur. Aldaǵy jyly Polianskoe aýylynda 1000 basqa arnalǵan sút-taýar fermasyn salý josparymyzda bar», – deidi osy oraida Qalihan Baiǵonysov.
