Ákimniń atap ótkenindei Táýelsizdiktiń 30 jyly ishinde Altai qarqyndy damyp, oblystyń mańyzdy ónerkásiptik aimaqtarynyń birine ainalǵan. Búginde aýdanda 72 kásiporyn jumys isteidi. Onyń 67-si shaǵyn, úsheýi orta jáne ekeýi iri kásiporyn.
Aýdan halqynyń basym bóligin jumys oryndarymen qamtamasyz etetin negizgi kásiporyndar «Qazmyrysh» JShS-nyń «Altai» taý-ken baiytý kesheni jáne «Buqtyrma tsement kompaniiasy» JShS.
"2000 jyldan bastap aýdan ekonomikasy turaqty ósý kezeńine ótti. Memlekettik damý baǵdarlamalary esebinen ónerkásip, aýyl sharýashylyǵy, shaǵyn jáne orta biznes salasy órkendei bastady. Táýelsizdiktiń 30 jyly ishinde Altai aýdany qarqyndy damydy. Shyǵys Qazaqstan oblysynyń mańyzdy ónerkásiptik óńirleriniń biri bolǵan Altai, bul ataǵyn osy kúnge deiin osy saqtap keledi", – dedi aýdan basshysy óz sózinde.
Qalihan Baiǵozynuly ákimdik pen jergilikti kásiporyndar arasynda berik bailanys ornaǵanyn, sonyń negizinde óndiris jaǵdailaryn jaqsartýda ákimdik usynysy nazarǵa alynǵanyn tilge tiek etti.
"Mysaly, «Qazmyrysh» JShS Qazaqstan Táýelsizdiginiń úsh onjyldyǵy ishinde «Altai» KBK bólimshesin qazirgi zamanǵy jabdyqtarmen, tehnikamen, mehanizmdermen jáne uiymdastyrý tehnikasymen jaraqtandyrýdy aitarlyqtai arttyrdy. Táýelsizdik jyldarynda bul jerde kompaniia qyzmetkerleriniń eńbek jaǵdailary aitarlyqtai jaqsardy", – dedi aýdan basshysy.
Táýelsizdik jyldary aýdanda birneshe jańa kásiporyndar ashylǵan, sonyń negizinde júzdegen adam turaqty jumyspen qamtylǵan. Atap aitar bolsaq, bulardyń arasynda fanera shyǵaratyn "Favorit" JShS-y, temirbeton buiymdaryn óndiretin "VERF-stroi" kásiporny bar.
"Sondai-aq QR Memlekettik indýstriialyq-innovatsiialyq damý baǵdarlamasy boiynsha, «jasyl ekonomika» aiasynda «Turǵysyn 1» kompaniiasy shilde aiynda alǵashqy sý elektr stantsiiasynyń qurylysyn aiaqtady", – dedi Qalihan Baiǵozynuly.
