اكىمنىڭ اتاپ وتكەنىندەي تاۋەلسىزدىكتىڭ 30 جىلى ىشىندە التاي قارقىندى دامىپ، وبلىستىڭ ماڭىزدى ونەركاسىپتىك ايماقتارىنىڭ بىرىنە اينالعان. بۇگىندە اۋداندا 72 كاسىپورىن جۇمىس ىستەيدى. ونىڭ 67ء-سى شاعىن، ۇشەۋى ورتا جانە ەكەۋى ءىرى كاسىپورىن.
اۋدان حالقىنىڭ باسىم بولىگىن جۇمىس ورىندارىمەن قامتاماسىز ەتەتىن نەگىزگى كاسىپورىندار «قازمىرىش» جشس-نىڭ «التاي» تاۋ-كەن بايىتۋ كەشەنى جانە «بۇقتىرما سەمەنت كومپانياسى» ج ش س.
"2000 جىلدان باستاپ اۋدان ەكونوميكاسى تۇراقتى ءوسۋ كەزەڭىنە ءوتتى. مەملەكەتتىك دامۋ باعدارلامالارى ەسەبىنەن ونەركاسىپ، اۋىل شارۋاشىلىعى، شاعىن جانە ورتا بيزنەس سالاسى وركەندەي باستادى. تاۋەلسىزدىكتىڭ 30 جىلى ىشىندە التاي اۋدانى قارقىندى دامىدى. شىعىس قازاقستان وبلىسىنىڭ ماڭىزدى ونەركاسىپتىك وڭىرلەرىنىڭ ءبىرى بولعان التاي، بۇل اتاعىن وسى كۇنگە دەيىن وسى ساقتاپ كەلەدى"، – دەدى اۋدان باسشىسى ءوز سوزىندە.
قاليحان بايعوزىن ۇلى اكىمدىك پەن جەرگىلىكتى كاسىپورىندار اراسىندا بەرىك بايلانىس ورناعانىن، سونىڭ نەگىزىندە ءوندىرىس جاعدايلارىن جاقسارتۋدا اكىمدىك ۇسىنىسى نازارعا الىنعانىن تىلگە تيەك ەتتى.
"مىسالى، «قازمىرىش» ج ش س قازاقستان تاۋەلسىزدىگىنىڭ ءۇش ونجىلدىعى ىشىندە «التاي» كبك بولىمشەسىن قازىرگى زامانعى جابدىقتارمەن، تەحنيكامەن، مەحانيزمدەرمەن جانە ۇيىمداستىرۋ تەحنيكاسىمەن جاراقتاندىرۋدى ايتارلىقتاي ارتتىردى. تاۋەلسىزدىك جىلدارىندا بۇل جەردە كومپانيا قىزمەتكەرلەرىنىڭ ەڭبەك جاعدايلارى ايتارلىقتاي جاقساردى"، – دەدى اۋدان باسشىسى.
تاۋەلسىزدىك جىلدارى اۋداندا بىرنەشە جاڭا كاسىپورىندار اشىلعان، سونىڭ نەگىزىندە جۇزدەگەن ادام تۇراقتى جۇمىسپەن قامتىلعان. اتاپ ايتار بولساق، بۇلاردىڭ اراسىندا فانەرا شىعاراتىن "فاۆوريت" جشس-ى، تەمىربەتون بۇيىمدارىن وندىرەتىن "ۆەرف-ستروي" كاسىپورنى بار.
"سونداي-اق ق ر مەملەكەتتىك يندۋستريالىق-يننوۆاسيالىق دامۋ باعدارلاماسى بويىنشا، «جاسىل ەكونوميكا» اياسىندا «تۇرعىسىن 1» كومپانياسى شىلدە ايىندا العاشقى سۋ ەلەكتر ستانسياسىنىڭ قۇرىلىسىن اياقتادى"، – دەدى قاليحان بايعوزىن ۇلى.
