Almaz Sharman: «Balalardy vaktsinalaý qaýipsiz jáne tiimdi ekenin zertteýler kórsetti»
– Biz balalar qoǵamnyń eń mobildi bóligi ekenin,olardyń eresektermen de, qurdastarymen de bailanys jasaitynyn, mektepke baratynyn, sondyqtan oldardyń infektsiianyń tasymaldaýshy ekenin túsinýge tiispiz. Sondyqtan kóptegen elderde balalardy vaktsinalaý týraly sheshim qabyldandy. 2000-den astam balaǵa júrgizilgen klinikalyq zertteýler Pfizer vaktsinasynyń qaýipsiz jáne tiimdi ekenin kórsetti, - dep sendirdi Almaz Sharman.
Almaz Sharman barlyq egýler immýnitetti ómir boiyn qalyptastyrmaitynyn, keibir infektsiialardan árbir bes, on jyl saiyn, al tumaý siiaqtylardan jyl saiyn egilý kerektigin eske saldy. Revaktsinatsiia degen osy. Keide «údetkish vaktsina» termini qoldanylady, iaǵni taǵy bir qosymsha.
– Ýaqyt óte kele vaktsinanyń áseri tómendeidi, onyń ústine, COVID-19-dyń jańa shtamdary paida bolady. Qaita egý jańa koronavirýs infektsisynyń barlyq shtamdarynan qorǵaý úshin antidenelerdiń jetkilikti deńgeiin qalyptastyrýǵa múmkindik beredi. Jaqynda Izrailde keń aýqymdy zertteý júrgizildi, bul vaktsinatsiiadan ótkenderdiń barlyq jas toptarynda, ásirese egde jastaǵy adamdarda immýndyq jaýap ýaqyt óte kele tómendegenin kórsetti. Sondyqtan ekpe saldyrǵan soń 6 aidan keiin revaktsinatsiiany usynatyn ǵylymi negizdeme bar, – dedi Almaz Sharman.
Vaktsinanyń údetkish dozasy týraly aita otyryp, Almaz Sharman kóptegen ǵalymdar kross-revaktsinatsiiany, iaǵni úshinshi vaktsinany basqa preparatpen alýdy usynady, biraq bul printsipti emes.
- Densaýlyq saqtaý ministrligi vaktsinalardy aralastyrýdy bir nusqa retinde qarastyrady. Aldynda saldyrǵan ekpemen qaita vaktsinalanýǵa bolatyndyǵyn eshkim joqqa shyǵarmaidy. Degenmen, men ózim túrli vaktsinalardy aralastyrý tiimdi bolady dep sanaimyn. Aralastyrý kezinde qandai da bir qarsy kórsetilimder bolǵan joq, – dedi ǵalym.
