Osyndai dúrmektiń ishinde Qazaqstan shalynbai, shaldyqpai kele jatqany qýantady. El úshin mańyzdy is-sharalar, basqosýlar ótip jatyr. Oǵan álemge yqpaldy tulǵalar kelip, óz oiyn ortaǵa salyp júr.
Adamzat keide qundylyqtaryn umytyp ketetin kezeńde rýhani tulǵa Rim Papasynyń elimizge kelip, dúniejúzine ortaq máselelerdi talqyǵa salǵany – memleketimizdiń jahanda óz abyroily orny bar ekenin ańǵartady.
Ol sózinde Qazaqstan beibitshilikti tý etken, talai etnostyń basyn qurap, yntymaqta ustap otyrǵanyn aitty. Ulttyq qundylyqtarymyzdy joǵary baǵalady. Osy arqyly memleketimiz jaqsy qyrynan kópke tanyldy.
Jaqynda elimizge 13 memlekettiń basshylary kelgeninen de habardarmyz. Birneshe kún boiy ortaq máselelerdi talqylap, kúrdeli kezeńnen shyǵýdyń jolyn birlese talqylady. Beibit kúndi baǵalaǵan halqymyz kópke úlgi bolýda.
Bul tusta Memleketti basqaryp otyrǵan Qasym-Jomart Toqaevtyń diplomatiialyq áreketterin eleýsiz qaldyrýǵa bolmaidy. Ózge elderdiń qateliginen sabaq alyp, halyqtyń tutastyǵyn saqtaýǵa barynsha kúsh salýda.
Eldiń tutastyǵyn saqtaý mańyzdy is. Kórip otyrmyz, aldymyzda birtalai mańyzdy dúnieler tur. Prezident sailaýy kele jatyr. Osyndai sátte árbir arandatýdy maqsat etken sózge ermei, el bolyp, jurt bolyp jumylǵanymyz abzal. Muny aqylǵa salyp, tereńinen uǵyna bilgenimiz durys dep oilaimyn.
