Almatyda 3-14 tamyz aralyǵynda jeti aýdannyń aýmaǵynda jylý jelilerine gidravlikalyq synaqtyń ekinshi kezeńi júrgiziledi, dep habarlaidy dalanews.kz.
«Almaty jylý jelileri» JShS málimetinshe, magistraldyq jáne taratý qubyrlaryn tekserý kún saiyn tańǵy 04:00-den 07:00-ge deiin ótedi.
Osyǵan bailanysty qala turǵyndary men qonaqtaryna qaýipsizdik sharalaryn saqtaýǵa keńes berildi. Synaq kezinde jer betine sý shyǵýy jáne jol jabynynyń jekelegen bólikteri buzylýy múmkin.
Gidravlikalyq synaqtar Alataý, Almaly, Áýezov, Bostandyq, Jetisý, Medeý jáne Naýryzbai aýdandarynyń jekelegen ýchaskelerinde júrgiziledi.
Kásiporynnyń málimetinshe, jumys júrgiziletin aýmaqta turatyn turǵyndarǵa ystyq sý berý toqtatylmaidy.
«Almaty jylý jelileri» gidravlikalyq synaqtar qubyrlar men jabdyqtardyń tehnikalyq jai-kúiin tekserý, aqaýly ýchaskelerdi anyqtaý jáne qalanyń jylý júiesin aldaǵy jylytý maýsymyna daiyndaý maqsatynda júrgiziletinin atap ótti.
