Almatylyqtardyń uialy telefondaryna Naýryzbai aýdanynda sý basý qaýpine bailanysty shuǵyl evakýatsiia qajettigi týraly eskertý habarlamasy jiberildi, dep habarlaidy dalanews.kz.
Tótenshe jaǵdailar ministrliginiń málimetinshe, óńirde sel júrý qaýpi bar. Osyǵan bailanysty qaladaǵy barlyq jedel qyzmet kúsheitilgen rejimde jumys istep jatyr.
Vedomstvonyń habarlaýynsha, turǵyndardy jedel aqparattandyrý maqsatynda Naýryzbai aýdanynda jergilikti deńgeide qulaqtandyrý júiesi iske qosylǵan.
"Bul – turǵyndarǵa mańyzdy aqparatty der kezinde jetkizýge baǵyttalǵan aldyn alý sharasy. Azamattardy sabyr saqtap, tek resmi aqparat kózderine súienýge shaqyramyz", – dep málimdedi TJM.
Sondai-aq mamandar aýa raiy turaqtalǵanǵa deiin Ile Alataýy aýmaǵyna barýdan, taýǵa shyǵýǵa jáne demalystan ýaqytsha bas tartýǵa keńes berdi.
