1 qańtardan bastap kúshti áser etetin zattardyń zańsyz ainalymyna qylmystyq jaýapkershilik engizilgen bolatyn, dep habarlaidy dalanews.kz.
Aqtóbe oblysynda osyndai zattardy zańsyz ótkizýmen ainalysqan uiymdasqan qylmystyq toptyń qyzmeti toqtatyldy.
Tergeý barysynda Almaty qalasyndaǵy dárihanalardyń biriniń farmatsevti qyzmetin paidalanyp, kúshti áser etetin zattardyń iri kólemin Aqtóbe oblysyna jetkizýdi uiymdastyrǵany anyqtalǵan.
"Qylmystyq toptyń barlyq múshesi, sonyń ishinde uiymdastyrýshy, operator, oraýshylar jáne zattardy jasyrýmen ainalysqan kúdiktiler ustaldy. Zańsyz ainalymnan myńnan asa preparat tárkilendi", - dedi IIM esirtki qylmysyna qarsy is-qimyl komitetiniń aǵa jedel ýákili Úmitbek Farhadov.
