Almatydaǵy «Qalqaman» metro stansasynyń qurylysyna shamamen 50 mlrd teńge jumsaldy. Bul týraly BCN Group kompaniiasy filialynyń bas injeneri Almas Bimendin málimdedi, dep habarlaidy dalanews.kz.
Onyń aitýynsha, qazirgi ýaqytta qurylys jumystary aiaqtalýǵa jaqyn. Jospar boiynsha «Qalqaman» metro stansasy 1 jeltoqsanda jolaýshylar úshin esigin ashady.
Stansa paidalanýǵa berilgennen keiin Almaty ákimdigi metro jelisin qalanyń batys baǵytyna qarai uzartýdy josparlap otyr. Joba aiasynda taǵy úsh jańa stansa salynbaq.
Aldyn ala esep boiynsha, jańa stansalardyń qurylysyna shamamen 240 mlrd teńge qajet bolady.
Jańa jeliniń sońǵy núktesi «Altyn Orda» bazary mańyndaǵy «Barlyq» stansasy bolady. Bul jerde jolaýshylardyń qoǵamdyq kóliktiń ártúrli túrleri arasynda yńǵaily aýysýyna múmkindik beretin iri kólik-logistikalyq torap salý kózdelgen.
