4 shilde kúni Almatyda qatty nóser jaýyp, qalanyń 26 jerinde jańbyr sýy jinaldy. Jaýynnyń eń qarqyndy kezeńi saǵat 15:00 men 16:00 aralyǵynda boldy, dep habarlaidy dalanews.kz.
Qala ákimdiginiń málimetinshe, keshki saǵat 20:00-ge deiin sý jinalǵan 24 jer tolyq tazartyldy. Qalǵan eki aýmaqta da jumystar aiaqtalýǵa jaqyn.
Táýlik boiy qala kóshelerinde 3 myńnan astam jumysshy men 1 225 arnaiy tehnika jumys istedi.
Sinoptikterdiń boljamyna sáikes, 6 shildede Almatyda jaýyn-shashyn bolmaidy. Degenmen kommýnaldyq qyzmetter kez kelgen jaǵdaiǵa daiyn kúide jumysyn jalǵastyrady.
