Almaty qalasyndaǵy etnomádeni birlestikterdiń ókilderi megapolis turǵyndaryna úndeý jasap, mańyzdy qoǵamdyq-saiasi naýqannan shet qalmaýǵa shaqyrdy. Olar belsendi azamattyq ustanym, sanaly tańdaý jáne árbir adamnyń qatysýy myqty, turaqty ári birtutas memlekettiń negizin qalaitynyn atap ótti, dep habarlaidy dalanews.kz.
Birlestik ókilderiniń aitýynsha, Qazaqstan árdaiym etnosaralyq kelisim men ózara qurmettiń úlgisi bolyp keledi. Elimizde túrli ult ókilderi beibit ómir súrip, óz dástúrlerin saqtai otyryp, ortaq bolashaqty birge qalyptastyrýda. Olardyń pikirinshe, aldaǵy sailaý qoǵamnyń birligi men azamattardyń el damýyna belsendi atsalysýǵa daiyn ekendiginiń taǵy bir dáleli bolmaq.
Almaty qalalyq Orys mádeni ortalyǵynyń tóraǵasy Vsevolod Lýkashev sailaýdyń memleket úshin de, árbir azamat úshin de mańyzdy kezeń ekenin atap ótti.
«Barshamyzdy sailaý kútip tur. 23 tamyz kúni bárimiz birge sailaýǵa baramyz. Óitkeni biz Jańa Qazaqstan úshin tańdaý jasaimyz», – dedi Vsevolod Lýkashev.
Úndeýge qatysýshylar Qazaqstannyń basty kúshi halyqtyń birliginde ekenine senimdi. Ultyna, jasyna, mamandyǵyna nemese dini senimine qaramastan, el turǵyndarynyń barlyǵyn memleketimizdiń odan ári damýyna degen ortaq jaýapkershilik biriktiredi. Olardyń aitýynsha, árbir daýys mańyzdy, al sailaýǵa qatysý – óz eline, onyń tarihyna jáne keler urpaqqa degen qurmettiń kórinisi.
Etnomádeni birlestikterdiń ókilderi búginde qoǵamdyq kelisim, senim jáne ózara qoldaý ahýalyn saqtaý asa mańyzdy ekenin aitty. Olar joǵary azamattyq belsendilik qazaqstandyq qoǵamnyń kemeldigin, demokratiialyq qundylyqtarǵa adaldyǵyn jáne turaqtylyqty, beibitshilikti ári jasampaz damýdy nyǵaitýǵa degen umtylysyn kórsetetinine senim bildirdi.
Úndeý sońynda olar Almaty turǵyndaryn 23 tamyz kúni sailaý ýchaskelerine kelip, sanaly tańdaý jasap, el bolashaǵyna óz úlesin qosýǵa shaqyrdy. Olardyń pikirinshe, árbir azamattyń qatysýy ál-aýqat, birlik jáne jaýapkershilik basty qundylyqtar sanalatyn qýatty memlekettiń negizin qalaidy.
