Almatynyń Áýezov aýdanynda stihiialyq saýda júrgizilgen jeti iri núkte tolyq joiyldy. Bul týraly aýdan ákimdigi málimdedi, dep habarlaidy dalanews.kz.
Ákimdiktiń málimetinshe, buǵan deiin atalǵan oryndarda kiim-keshek, kókónis, sút ónimderi men gúlder ruqsatsyz satylyp kelgen.
Zańsyz saýdany toqtatý jumystary Almaty ákimi tapsyrmasy aiasynda, belgilenbegen oryndardaǵy saýdanyń jolyn kesý jáne qalany abattandyrý qaǵidalaryn saqtaý maqsatynda júrgizilgen.
Satýshylarmen qoldanystaǵy zań talaptaryn saqtaý qajettigi jóninde túsindirý jumystary ótkizilgen.
Jyl basynan beri aýdandyq politsiia basqarmasy Ákimshilik quqyq buzýshylyq týraly kodekstiń 204-baby boiynsha zańsyz saýda jasaǵandarǵa qatysty 698 ákimshilik hattama toltyryp, 3,4 mln teńgeden astam aiyppul salǵan.
Sonymen qatar 505-bap boiynsha abattandyrý qaǵidalaryn buzǵany úshin 1 386 hattama rásimdelip, 5,3 mln teńgeden astam aiyppul óndirilgen.
Aýdan ákimdiginiń málimetinshe, jyl basynan beri Áýezov aýdanynda 192 statsionarlyq emes saýda nysany demontajdalǵan.
