Almatyda jasyryn politsiia patrýli jol erejesin buzǵan 500-den astam júrgizýshini ustady, dep habarlaidy dalanews.kz.
Vedomstvo málimetinshe, arnaiy belgileri joq qyzmettik kólik Ál-Farabi dańǵylynda jol qozǵalysy erejesin óreskel buzǵan eki júrgizýshini anyqtaǵan.
Politsiianyń nazaryna BMW men Toyota kólikteriniń júrgizýshileri ilikken. Olar jol boiynda qaýipti manevr jasap, kólik aǵyndary arasynda retsiz aýysyp, ózge júrgizýshilerge apatty jaǵdai týǵyzǵan.
Tártip buzýshylarǵa qatysty ákimshilik hattama toltyrylyp, olardyń kólikteri aiyp turaǵyna qoiyldy.
Politsiia departamentiniń málimetinshe, jasyryn patrýldeý ádisi jol erejesin tek politsiia kóligin kórgende ǵana saqtaityn júrgizýshilerdi anyqtaýǵa múmkindik beredi. Bul tásil engizilgeli beri Almaty kóshelerinde agressivti kólik júrgizýdiń 500-den astam deregi tirkelip, joly kesilgen.
