Almatyda shahmattan eki birdei iri halyqaralyq jarys jalaýyn kóterdi: FIDE World University Team Chess Championship finaly jáne Qazaqstan men álemniń jasóspirimder quramalary arasyndaǵy match. Ońtústik astanada 4–9 tamyz aralyǵynda álemniń 16 ýniversitetiniń, sonyń ishinde Oksford, Kembridj jáne Garvard komandalary óner kórsetedi. Qazaqstan namysyn Qazaq ulttyq sport ýniversiteti, ál-Farabi atyndaǵy QazUÝ jáne Almaty Management University qorǵaidy, dep habarlaidy dalanews.kz.
Bul týraly Qazaqstan shahmat federatsiiasynyń baspasóz qyzmeti habarlady.
«Búgin Qazaqstan álemniń jetekshi oqý oryndarynyń atynan kelgen eń úzdik jas shahmatshylar toǵysatyn ortalyqqa ainalyp otyr. Bul chempionat tek medal úshin jarys emes, sonymen birge pikir alysý, bilim almasý, ýniversitetter arasyndaǵy bailanysty nyǵaitý jáne memleketter arasynda uzaq merzimdi seriktestik qalyptastyrý alańyna ainaldy», – dedi QR Premer-Ministriniń orynbasary, Mádeniet jáne aqparat ministri Aida Balaeva.
QR Ǵylym jáne joǵary bilim ministri Saiasat Nurbek shahmattyń mańyzdy bilim berý quraly ekenin, al Qazaqstanda pedagogikalyq kadrlardy daiarlaýda naqty nátijeler bar ekenin atap ótti: bes pedagogikalyq joǵary oqý ornynyń 200-den astam stýdenti «Shahmat pedagogy» Minor baǵdarlamasy boiynsha bilim alsa, 31 joǵary oqý ornynda shahmat bilimi pánderin qamtityn baǵdarlamalar júzege asyrylýda. Onyń aitýynsha, kelesi mańyzdy kezeń QyzPU negizinde KazChessLab oqý-ádistemelik zerthanasynyń ashylýy boldy.
«Shahmat – bul jai ǵana intellektýaldy oiyn emes, ol syni oilaýdy, derbestikti, jaýapkershilik pen strategiialyq josparlaý qabiletin damytatyn tiimdi bilim berý quraly. Sondyqtan biz úshin shahmat bilimin oqý úderisine kásibi túrde kiristire alatyn pedagogtardy daiarlaý óte mańyzdy. Bul – pedagogikalyq bilim sapasyn arttyrýǵa ǵana emes, sonymen birge elimizdiń adam kapitaly men intellektýaldyq áleýetin damytýǵa qosylǵan úles», – dedi ministr.
Qazaqstan shahmat federatsiiasynyń prezidenti Timýr Týrlov bul týrnirdiń Almatyda ótýi Qazaqstan men ulttyq federatsiianyń álemdik shahmat qozǵalysyndaǵy ornyn aiǵaqtaitynyn basa aitty. Sondai-aq stýdentter shahmatyn damytý basty basymdyqtardyń biri bolyp tabylady, óitkeni dál osy ýniversitet ortasynda sport sheńberinen shyǵatyn mańyzdy bailanystar ornaidy.
«Tarihtan belgili, shahmat Úndistanda paida bolyp, Parsy elinde shyńdaldy. Keiin san tarapty saýda joldary arqyly álemge tarady, olardyń biri týra osy Almaty taýlarynyń bókterinen ótken edi. Myń jarym jyldan soń oiyn ózi bastaý alǵan tarihi toǵysqa qaita oraldy. Qazaqstan men Almatynyń búgin osy tarihi kezeńdi qabyldap jatqany elimizdiń jáne álemdik shahmattyń qozǵaýshy kúshine ainalǵan federatsiiamyzdyń salmaǵyn sózsiz dáleldeidi. Sonymen birge stýdentter shahmatyn damytý – biz úshin basty basymdyqtardyń biri, óitkeni búginde dál osy ýniversitetter ortasy shahmat taqtasy sheńberinen shyǵyp, búkil álem boiynsha ǵylymda, bilimde jáne birlesken jobalarda jalǵasyn tabatyn bailanystar men tanystyqtar ornaidy», – dedi Qazaqstan shahmat federatsiiasynyń prezidenti Timýr Týrlov.
Almaty qalasy ákiminiń orynbasary Nurlan Ábdirahim Almatynyń 236 myńnan astam stýdenti bar stýdentter qalasy ekenin, sondyqtan álemniń ártúrli elderinen kelgen jastardyń basyn qosatyn chempionattyń dál osy shaharda ótýiniń simvoldyq máni bar ekenin atap ótti.
Qatysýshylardyń 1 tamyzdaǵy ortasha reitingi boiynsha kóshbasshylar qataryna Saint Louis University (2577), Ural State Mining University (2514), University of Texas at Dallas (2441) jáne Qazaq ulttyq sport ýniversiteti (2420) kirdi.
Qazaqstandyq komandalar quramy:
• KNUS: GM Qazybek Nógerbek (2495), IM Sátbek Ahmedinov (2400), IM Arystan Isanjýlov (2385), IM Merýert Kamalidenova (2400), Álisher Majkenov (2180);
• Farabi University: FM Erlan Tileýhanov (2296), Bekarys Tursynáli (2024), Sultan Amanjol (1982), WCM Ásel Lesbekova (1954, Qyrǵyzstan), Darina Aqpanbetova (1569);
• AlmaU: FM Jáńgir Bijigitov (2272), Dias Álimbetov (2149), FM Nurasyl Jumabek (2025), Nurai Erkinbek (1502), Ánýar Ýálihan (1648).
Sonymen qatar 4–5 tamyz aralyǵynda 8-den 18 jasqa deiingi Qazaqstan men álemniń jasóspirimder quramalary arasynda match ótedi. Jarys uldar men qyzdar arasynda bólek, aldymen rapid, keiin blits formatynda uiymdastyrylady. Matchtyń jalpy júlde qory – 15 mln teńge.
Jarysty Halyqaralyq shahmat federatsiiasy (FIDE), QR Týrizm jáne sport ministrligi, QR Ǵylym jáne joǵary bilim ministrligi, Qazaqstan shahmat federatsiiasy jáne Almaty qalasynyń ákimdigi uiymdastyryp otyr. Bas seriktester: Freedom kompaniialar toby men «Shapaǵat» korporativtik qory.
Resmi seriktester: ál-Farabi atyndaǵy QazUÝ, Almaty Tourism Bureau men Visit Almaty, Herbalife kompaniiasy, Lichess.org onlain-platformasy, «Zigi-Zagi» sýsyndar brendi, Qutty Band smart-saǵattar brendi.
Jarystyń aqparattyq seriktesteri: «Evraziia» birinshi arnasy, Qazsport, «Habar» agenttigi, 24.kz, Jibek Joly, Silk Way, 7tv, «Astana» telearnasy, «MIR» TRK, Sport+, «Kýrsiv», «QazAqparat», Tengrinews, TengriSport, Vesti.kz, Amanat media group, NewTimes, Bes.media, Aikyn.kz, Liter.kz, DK News, Ult.kz, Sportinform.kz, Azattyq Ruhy, Turkystan.kz, Juldyz FM, NS Radiosy, Orda.fm, Toppress, Today Info, Chessno govoria, Chess Base.
