Asa iri kólemde alaiaqtyq jasady degen kúdikke ilingen Qazaqstan azamaty Grýziiadan Qazaqstanǵa jetkizildi. Ony elge qaitarý jumystary Bas prokýratýra, IIM Interpol qyzmeti jáne Qazaqstannyń Grýziiadaǵy elshiliginiń qatysýymen júzege asyryldy, dep habarlaidy dalanews.kz.
Tergeý barysynda kúdiktiniń 2023 jyldyń qarasha-jeltoqsan ailarynda Almatyda kásipkerlik maqsattaǵy ǵimaratty satamyn dep ýáde berip, bir azamattan 1,5 million AQSh dollaryn alǵany anyqtalǵan. Alaida keiin ol ýádesin oryndamai, aqshany óz paidasyna jumsaǵan.
Oqiǵadan keiin kúdikti tergeýden jasyrynyp, halyqaralyq izdeýge jariialanǵan.
Ol ótken jyldyń jeltoqsanynda Grýziia aýmaǵynda qolǵa tústi. Qazaqstan tarapynyń ótinishi boiynsha kúdikti ekstraditsiialanyp, elge jetkizildi.
Endi ol Qazaqstanda qylmystyq jaýapkershilikke tartylady.
Zań boiynsha mundai qylmys úshin múlkin tárkilei otyryp, 10 jylǵa deiin bas bostandyǵynan aiyrý jazasy kózdelgen.
