Almatyda 7-10 qazan aralyǵynda mánerlep syrǵanaýdan "Denis Ten memorial" halyqaralyq týrniri ótedi, dep habarlaidy dalanews.kz.
Qazaqstan Ulttyq Olimpiada komitetiniń málimetinshe, jarysqa álemniń 25 elinen shamamen 150 sportshy qatysady. Olar erler men áielder arasyndaǵy jekelei syrǵanaý, juptyq syn jáne muzdaǵy bi baǵdarlamalary boiynsha baq synaidy.
Halyqaralyq týrnir Halyk Arena sport kesheninde ótedi.
Jarys qazaqstandyq mánerlep syrǵanaýshy, 2014 jylǵy Sochi qysqy Olimpiadasynyń qola júldegeri Denis Tenniń qurmetine uiymdastyrylady.
"Denis Ten memorialy" Qazaqstanda jyl saiyn ótetin halyqaralyq týrnir sanalady. Ony Qazaqstannyń Ulttyq konkishiler federatsiiasy men Denis Ten qory uiymdastyrady.
Alǵashqy memorial 2019 jyly ótken. 2021 jyldan bastap týrnir ISU Challenger Series halyqaralyq jarystar seriiasynyń baǵdarlamasyna engizildi.
Aita keteiik, 2025 jylǵy týrnirde erler arasynda qazaqstandyq Mihail Shaidorov jeńimpaz atanǵan. Ol grýziialyq Nika Egadze men amerikalyq Djeison Braýnnan ozyp shyqty.
Al áielder arasyndaǵy básekede Ońtústik Koreia ókili Li He In top jarǵan.
