Almatynyń Bostandyq aýdanynda avtobýs pen jaiaý júrginshiniń qatysýymen bolǵan jol-kólik oqiǵasy adam ólimimen aiaqtaldy, dep habarlaidy dalanews.kz.
Oqiǵa búgin túske qarai Mustafin kóshesinde bolǵan. Politsiianyń málimetinshe, avtobýs ońtústik baǵytta qozǵalyp kele jatqan. Sol sátte 1996 jyly týǵan qyz joldy shyǵys baǵytta kesip ótpek bolǵan.
Saldarynan avtobýs jaiaý júrginshini qaǵyp, qyz alǵan aýyr jaraqattarynan oqiǵa ornynda kóz jumdy. Quqyq qorǵaý organdary avtobýstyń jeke tasymaldaýshy kompaniiaǵa tiesili ekenin habarlady.
Atalǵan derek boiynsha qylmystyq is qozǵalyp, oqiǵanyń mán-jaiyn anyqtaý úshin tergeý amaldary júrgizilip jatyr.
