Almatyda Ál-Farabi dańǵylynyń boiyna arnaiy jol qorshaýlaryn ornatý týraly petitsiia jariialandy. Qujat Almaty qalasy ákiminiń apparatyna joldanǵan, dep habarlaidy dalanews.kz.
Petitsiia avtory bastamaǵa 2026 jylǵy 21 naýryzda Ál-Farabi dańǵyly men Meńdiqulov býlvarynyń qiylysynda bolǵan jantúrshigerlik jol apaty sebep bolǵanyn aitady. Atalǵan jol apaty saldarynan Mercedes-Benz kóliginiń júrgizýshisi men eki jolaýshysy qaza tapqan.
Avtordyń málimetinshe, ZEEKR 009 kóligi joǵary jyldamdyqpen kele jatyp qarsy jolaqqa shyǵyp ketken. Sonyń saldarynan eki kólik betpe-bet soqtyǵysqan.
Petitsiia iesi mundai qaiǵyly jaǵdailardyń qaitalanbaýy úshin Ál-Farabi dańǵylynyń qaýipti ýchaskelerine arnaiy barerlik qorshaýlar ornatýdy usyndy. Onyń pikirinshe, dál osy infraqurylymnyń bolmaýy adam ólimine ákelgen negizgi faktorlardyń biri bolýy múmkin.
Qujatta Ál-Farabi dańǵyly qaladaǵy eń iri magistraldardyń biri ekeni, onda qozǵalys jyldamdyǵy saǵatyna 80 shaqyrymǵa deiin ruqsat etilgeni aitylǵan. Sonymen qatar jolda kólikterdiń qarsy baǵytqa shyǵyp ketýiniń aldyn alatyn qorshaýlardyń joq ekeni kórsetilgen.
Petitsiia avtory mundai apattar buǵan deiin de tirkelgenin eske saldy. Mysaly, 2025 jylǵy 25 qarashada da osy dańǵylda uqsas jol-kólik oqiǵasy bolǵan. Bul jaǵdai jol qaýipsizdigine qatysty júieli máseleniń baryn kórsetedi dep esepteidi.
Sondai-aq qujatta ST RK 2368-2013 ulttyq standartyna sáikes, kólik aǵyny joǵary joldarda arnaiy metall barerlik qorshaýlar ornatylýy tiis ekeni aitylǵan. Avtordyń pikirinshe, Ál-Farabi dańǵylynyń kei ýchaskelerinde bul talaptar eskerilmegen.
Petitsiiada qorshaýlar tek Meńdiqulov qiylysynda ǵana emes, Ál-Farabi men Seifýllin dańǵyldarynyń qiylysynda, Esentai Mall mańynda, QazUÝ aýmaǵynan Erǵojin kóshesine deiingi bólikte, sondai-aq Serkebaev kóshesimen qiylysta da qajet ekeni kórsetilgen.
