Almatynyń Naýryzbai aýdanyndaǵy turǵyn úi keshenderiniń birinde qaiǵyly oqiǵa boldy, dep habarlaidy dalanews.kz.
Aldyn ala málimet boiynsha 1988 jyly týǵan áiel turǵyn úidiń besinshi qabatynan qulap, oqiǵa ornynda kóz jumǵan. Oqiǵa ornyna kelgen meditsina qyzmetkerleri onyń qaitys bolǵanyn rastaǵan.
Bul derek boiynsha Naýryzbai aýdandyq politsiia basqarmasy qylmystyq is qozǵap, tergeý amaldaryn bastady.
"Marqum osy turǵyn úi kesheninde turǵan. Aldyn ala aqparatqa sáikes keiingi ýaqytta ol jeke ómirine bailanysty aýyr emotsionaldy kúi keshken. Oqiǵanyń mán-jaiy anyqtalyp jatyr", - dedi politsiia.
