2026 jyldyń basynan beri Almatydaǵy avtobýs parkterinde shyǵaryndy gazdarǵa 3 myńnan astam ólsheý júrgizildi. Bul týraly «Eco Almaty» JShS ókilderi habarlady, dep habarlaidy dalanews.kz.
Jalpy mamandar 3 108 avtobýsty tekserdi. Monitoring nátijesinde onyń 1 420-synan, iaǵni shamamen 45,7%-ynan belgilengen ekologiialyq talaptarǵa sáikessizdik anyqtaldy. Anyqtalǵan zań buzýshylyqtar boiynsha tiisti sharalar qabyldanyp jatyr.
Aita keteiik, monitoring Almatydaǵy atmosferalyq aýany qorǵaý qaǵidalary aiasynda júrgiziledi. Qaǵida avtokólikten jáne basqa da lastaý kózderinen shyǵatyn ziiandy zattar kólemin azaitýǵa baǵyttalǵan sharalardy qarastyrady.
