Almaty qalasynda 110 mln teńge kóleminde para aldy degen kúdikpen qalalyq eksplýatatsiialyq vagon deposy filialynyń direktory ustaldy, dep habarlaidy dalanews.kz Polites News-ke silteme jasap.
Aqparatqa sáikes, kúdiktini Almaty qalasy boiynsha UQK departamentiniń qyzmetkerleri ustaǵan. Qazir tergeý amaldary júrgizilip jatyr.
Bul iske bailanysty «Qazaqstan temir joly» kompaniiasy tergeý organdarymen belsendi jumys istep jatqany aityldy.
Buǵan deiin Polites News «QazTemirTrans» AQ filialynyń direktory Aqylbek Bazenovtyń shamamen 540 mln teńge kóleminde para alý kezinde ustalǵanyn habarlaǵan edi.
Osylaisha, temirjol salasyndaǵy iri kólemdegi jemqorlyq isteri qoǵam nazaryn qaitadan aýdaryp otyr. Áleýmettik jeli qoldanýshylary men pablikterde «paramen ustalǵan basshylardyń tábeti adam shoshyrlyq» degen pikirler de aitylýda.
