Almatyda Abai dańǵylynyń bir bóliginde bastalǵan jóndeý jumystary turǵyndardyń narazylyǵyn týǵyzdy. Áleýmettik jeli qoldanýshylary joldyń jaǵdaiy jaqsy ekenin aityp, qalada jóndeýdi qajet etetin basqa kósheler bar ekenin jazǵan, dep habarlaidy dalanews.kz.
Turǵyndardyń biri ákimdikke: "Minsiz asfaltti ne úshin aýystyrýdy sheshtińizder? Aýlalardaǵy joldar ábden tozyp jatyr, solarǵa kóńil bólýge bolmai ma?" degen saýal joldaǵan.
Ákimdik bul ýchaske jóndeý tizimine tekseris nátijesinde engizilgenin habarlady. Mamandar jolda kólik dóńgeleginen paida bolǵan oiyqtar, jaryqtar jáne asfalt jabyny edáýir tozǵanyn anyqtaǵan. Bul aýmaqtaǵy buǵan deiingi jóndeý jumystary 2019 jyly júrgizilgen.
Sondyqtan ákimdik Abai dańǵylynyń Sain kóshesinen Momyshuly kóshesine deiingi bóliginde ortasha jóndeý jumystary júrgiziletinin málimdedi. Ol 1 qyrkúiekke deiin jalǵasady.
Osy kezeńde joldaǵy kólik qozǵalysy ishinara shekteledi. Jóndeý joldy tolyq jappai, birneshe jolaqta kezeń-kezeńimen júrgiziledi.
